Хошеа 8:13 - Мукъаддес Китап

¹³ Манъа къурбан-бахшышларыны кетиргенде, айванларны соялар ве этлерини ашайлар. РАББИ оларны къабул этмез. Шимди О, къабаатларыны акъылгъа кетирир, гуналары ичюн джезалар, ве олар Мысыргъа къайтар.

Хошеа 8:13 ပူးပေါင်းရင်းမြစ်များ

Чыкъыш 20:3

Меним юзюм алдында сенде башкъа аллалар олмасын.

Чыкъыш 32:34

– Шимди тюшип, бу халкъны Мен санъа айткъан ерге алып кет. Сенинъ огюнъден Мелегим кетеджек. Вакъты-саати кельгенде, Мен исраиллилерни гуналары ичюн джезаларым.

Икметли сёзлер 21:27

Яман адамларнынъ чалгъан къурбаны пистир, къара ниетнен чалынгъан къурбан ондан бетердир.

Ешая 1:11

– Къурбанларынъызнынъ чокълугъы Манъа керекмей! – дей РАББИ. – Бутюнлей якъылгъан къочкъар къурбанларына, бесленген айванларнынъ ягъларына быкътым; бузав, къозу, текелернинъ къаныны истемейим!

Йирмея 14:10

Бу халкъ акъкъында РАББИ бойле дей: – Аякъларыны тутмайып, токътамаздан кезмеге севгенлери ичюн, РАББИ олардан разы дегиль, къабаатларыны акъылында тутар, гуналары ичюн джезалар.

Йирмея 6:20

Шевадан кетирильген къокъулы май, узакъ бир мемлекеттен кельген къокъулы къамыш Манъа не керек? Бутюнлей якъыладжакъ къурбанларынъызны къабул этмейим, къурбан ве бахшышларынъызны бегенмейим.

Ехезкель 29:16

Мысыр бир даа Исраиль халкъынынъ ишанчы олмайджакъ. Тек олардан ярдым сорап, насыл алдангъанларыны акъылда тутаджакълар. О заман Мен – РАББИ-ТААЛЯ олгъанымны билирлер.

Хошеа 11:5

Олар Мысыр мемлекетине къайтмайджакъ, лякин, Менден юзь чевиргенлери ичюн, оларнынъ падишасы Ашшур оладжакъ.

Хошеа 12:11

Гилад шеэринде яманлыкъ бармы? Олар мытлакъа гъайып оладжакъ! Гилгал шеэринде бузавларны къурбан чалалармы? Къурбан ерлери тарла меджасындаки таш обаларына чевириледжек.

Хошеа 4:9

Халкънен оладжакъ шейлер руханийлернинъ башына да тюшеджек. Мен оларны арекетлери ичюн джезалайджагъым, япкъанлары ичюн акъларыны къайтараджагъым.

Хошеа 5:6

Къойларынен ве огюзлеринен олар РАББИни къыдырмагъа кетеджек, амма Оны тапамайджакъ, чюнки О, олардан узакълашты.

Хошеа 6:6

Мен къурбанларынъыздан ве бахшышларынъыздан зияде ишанчлы севгинъизден разым, бутюнлей якъыладжакъ къурбанларынъыздан зияде Алланы биледжегинъизни истейим.

Хошеа 7:11

Эфраим акъылсыз гогерджин киби олды: де мысырлыларны ярдымгъа чагъыра, де Ашшургъа кете.

Хошеа 7:16

Олар къайтты, амма Юдже Раббиге дегиль, ишанчсыз яй киби олды. Башлыкъларыны арсыз тиллери ичюн къылычнен ольдюрир, бунынъ ичюн оларнынъ устюнден Мысыр топрагъында кулерлер.

Хошеа 7:2

Мен оларнынъ яманлыкъларыны унутмайджагъым, олар исе бунынъ акъкъында тюшюнмей. Энди япкъан ишлери оларны сарар, козюм огюнден кетмез.

Хошеа 9:6

Бутюнлей ёкъ олмакътан къуртулмагъа чаре тапсалар биле, Мысыр мемлекети оларны топлайджакъ, онынъ баш шеэри Ноф оларны комеджек. Кийик отлар къыйметли кумюш эшьяларыны сараджакъ, когемлик чадырларыны басаджакъ.

Хошеа 9:7

Оларнынъ джеза куньлери кельди, эсап куньлери башланды. Исраиль бильсин ки, гуналары чокълугъындан, душманлыгъы буюклигинден пейгъамберлерни – ахмакъ, рухландырылгъан адамларны – дели саялар.

Хошеа 9:9

Олар чокъ бозулды, Гивада олгъаны киби, харап олды. Оларнынъ къабаатлары Алланынъ акълына келеджек, гуналары ичюн О, джезалайджакъ.

Амос 3:2

– Ер юзюндеки эписи халкълардан Мен тек сизни сайладым. Шунынъ ичюн къабаатларынъыз ичюн сизни джезалайджагъым.

Амос 5:22

Манъа бутюнлей якъыладжакъ къурбанларны ве ашлыкъ бахшышларыны кетирсенъиз, Мен олардан разы олмайджагъым, бакъылгъан бузавларынъыздан чалгъан аманлыкъ къурбанларынъызны къабул этмейджегим.

Амос 8:7

РАББИ Якъупнынъ шуретинен ант этти: – Керчектен де, онынъ япкъан ишлеринден ич бирини бир вакъыт унутмайджагъым.

Лука 12:2

Эр бир сакъланылгъан шей озь вакътында ачыладжакъ, ве эр бир сыр белли олур.

1 Коринтлилерге 11:20

Сизлер бир ерде аш ашамагъа топлангъанда, бойле ашкъа «Раббининъ акъшамлыкъ софрасы» айтмагъа олмаз.

1 Коринтлилерге 11:29

Ким ляйыкъ олмагъан ёлда ашаса ве ичсе, Раббининъ беденини урьмет этмейип, озюни ашагъанынен ве ичкенинен суд эте.

1 Коринтлилерге 4:5

Шунынъ ичюн, бельгиленген вакъыттан эвель, Рабби кельмегендже, асыл суд этменъиз. О келип, къаранлыкъта сакълангъан шейлерни чыкъараджакъ, юректеки ниетлерни ачаджакъ. О вакъытта эр ким Алладан озюне ярашкъан макътавны аладжакъ.

Къануннынъ текрары 28:68

Сонъ РАББИ сени, «бир даа бу ёлны корьмезсинъ», деген ёлнен гемилер устюнде Мысыргъа къайтараджакъ. Анда душманларынъа къуллукъкъа сатылырсыз, лякин сизни кимсе сатын алмаз.

Сырларнынъ ачылувы 16:19

Буюк шеэр учь къысымгъа болюнди. Миллетлернинъ шеэрлери ёкъ этильди. Алла буюк Вавилон шеэрини унутмагъан; О, онынъ башына Озь дешетли гъазабыны, шарапкъа толу къадесини киби, тёкти.

1 Падишалар 15:22

Смаил Шаулгъа: – РАББИ ичюн, бутюнлей якъылгъан айванлар ве бахшышлар Оны динълемектен хайырлымы? Динълемек – къурбандан яхшы, эмирге бойсунмакъ – къочкъарнынъ ягъындан яхшыдыр, – деди.