Хошеа 7:14 - Мукъаддес Китап

¹⁴ Олар тёшеклеринде агълагъанда, джан-юректен Менден ярдым сорамай. Отьмек ве шарап ичюн топланалар, Менден исе узакълашалар.

Хошеа 7:14 ပူးပေါင်းရင်းမြစ်များ

Чыкъыш 32:6

Айланыр куню олар саба танъда турдылар ве бутюнлей якъылгъан къурбанларны чалдылар, аманлыкъ къурбанларыны да кетирдилер. Сонъ халкъ ашап-ичмеге отурды, сонъундан да шенъленип ороспуланмагъа башлады.

Ешая 29:13

Рабби бойле деди: – Бу халкъ Манъа тек сёзлеринен якъын, Мени тек тиллеринен урьмет этелер. Юреклери исе Менден узакъ, инсанларнынъ буюргъанларыны тутып, Мени саялар, деп тюшюнелер.

Ешая 52:5

Энди не япаджагъым? – дей РАББИ. – Халкъым бес-бедава алынды, онъа башлыкъ эткенлер агълай, – дей РАББИ, – Адымны эр кунь, токътамайып яманлайлар.

Ешая 65:14

Къулларым шенъленеджеклер, сизлер исе масхара оладжакъсынъыз, къулларым юрек къуванчнен йырлайджакълар, сизлер исе юрек сыкъынтысындан къычыраджакъсынъыз, рухунъызнынъ эзильгенинден агълайджакъсынъыз.

Йирмея 12:2

Сен оларны сачтынъ, олар тамыр атып, осьтилер ве мейва берелер. Адынъ агъызларындан тюшмей, лякин юреклери Сенден узакъ.

Йирмея 3:10

Бунъа бакъмадан, хаин къызкъардашы Ехуда юректен дегиль де, алдавнен Манъа къайтты, – дей РАББИ.

Агълав йырлары 2:18

Эй, Сион къызынынъ диварлары, Раббиге юректен ялварынъыз; дерья киби, гедже-куньдюз козьяш тёкюнъиз; раатлыкъ бильменъиз, козьлеринъ козьяштан къурумасын.

Хошеа 13:6

Мен оларгъа чобанлыкъ эттим, ве олар тойгъандже ашадылар. Тойгъан сонъ исе юреклери къопайды, ве олар Мени унутты.

Хошеа 13:9

Эй, Исраиль, сен ёкъ оладжакъсынъ. Санъа тек Менден ярдым келир.

Хошеа 3:1

РАББИ манъа бойле деди: – Бар да, кене апайынъа озь севгинъни косьтер. О башкъасынен ороспуланса да, оны, РАББИ исраиллилерни севгени дайын, сев. Олар башкъа аллаларгъа ибадет этелер, оларнынъ юзюм пителерини севелер, Алла исе оларны севе. Сен де озь апайынъны бойле сев.

Хошеа 8:2

Исраиллилер менден ярдым истейджек: «Алламыз! Биз Санъа инанамыз!»

Амос 2:8

Олар эр къурбан ери янында залоггъа алынгъан урбалар устюне ята, джеза оларакъ алынгъан шарапны аллаларнынъ эвлеринде ичелер.

Амос 8:3

– О кунь Алланынъ сарайындаки йырлар агълавларгъа айланаджакъ, – дей РАББИ-ТААЛЯ. – О вакъыт чокъ адам ольдюриледжек. Эр бир ерде олюлерни сес-солукъсыз котерип атаджакълар.

Микъа 2:11

Яланджы яланлар уйдурып, бол шарап ве ички акъкъында пейгъамберлик япса, шу халкъ бойле адамны, пейгъамбер деп, саяр эди.

Зекерья 7:5

– Бу топракънынъ бутюн халкъына ве руханийлерге бойле айт: «Етмиш йыл ичинде бешинджи ве единджи айларда аштан-сувдан вазгечип агълагъанынъызда, сиз буны Меним ичюн яптынъызмы?

Римлилерге 16:18

Бойле адамлар Раббимиз Иса Месихке дегиль, озь къурсакъларына хызмет этелер ве темиз юрекли адамларны татлы сёзлернен ве ялтакълыкънен алдаталар.

Филиплердекилерге 3:19

Оларнынъ сонъу – олюм, оларнынъ алласы – ашкъазан, олар масхара шейлернен макътаналар, ердеки шейлер акъкъында тюшюнелер.

Якъуп 4:3

Истейсинъиз ве алып оламайсыз, чюнки яхшылыкъ ичюн дегиль, озь истеклеринъизни беджермек ичюн истейсиз.

Якъуп 5:1

Эй, байлар, шимди сизлер динъленъиз! Башынъызгъа тюшеджек белялардан окюрип агъланъыз!

Къадылар 9:27

Юзюм багъчаларына кетип, махсулларыны джыйдылар, юзюмни юзюм сыкъкъан ерде сыкътылар, байрам яптылар. Сонъ озь аллаларынынъ эвине кетип, ашады-ичти ве Авимелекни сёгдилер.