Хошеа 5:9 - Мукъаддес Китап

⁹ Джеза куню Эфраим бакъымсыз сахрагъа чевириледжек. Мен Исраиль къабилелери арасында мытлакъа оладжагъыны бильдирдим.

Хошеа 5:9 ပူးပေါင်းရင်းမြစ်များ

Эюп акъкъында китап 12:14

Онынъ йыкъкъаны янъыдан къурулмаз, Онынъ къапаткъан адамы азат этильмез.

Ешая 37:3

Олар келип, бойле дедилер: – Хизкия шойле дей: «Бу кунь – сыкъынты, джеза ве масхаралыкъ куню. Балаларнынъ догъаджакъ вакъты кельди, амма догъурмагъа кучь ёкъ.

Ешая 46:10

Башындан башлап сонъунадже оладжагъыны хабер этем, къадимий заманлардан даа олмагъан шейлер акъкъында айтам: – Ниетлерим оладжакъ, истеген эр шейни япаджагъым.

Ешая 48:3

Олып кечкенлерни баягъы эвельден бильдирдим, агъзымны ачып айткъан эдим, хабер эттим ве апансыздан эттим, эписи ерине кельди.

Ешая 48:5

Онынъ ичюн оладжакъ шейлерни баягъы эвельден бильдирдим. Ёкъса сен: «Буны путум япты, буны иритильген маденден япылгъан аллам буюрды», – дер эдинъ.

Ешая 7:16

Бу бала яманны терк этмеге ве яхшылыкъны сайлап алмагъа огренгенден эвель, сен къоркъкъан эки падишанынъ топракълары адамсыз къаладжакъ.

Хошеа 5:12

Мен Эфраимни сюме киби ашайджагъым, Ехуда халкъыны къурт киби кемиреджегим.

Хошеа 5:14

Мен Эфраимге арслан киби оладжагъым, Ехуда халкъына яш арслан киби атыладжагъым. Мен оларны парчалайджагъым, алыр да кетерим, кимсе оларны къуртармаз.

Хошеа 7:12

Олар кеткен вакътында, Мен агъымны устьлерине атаджагъым, кокте учкъан къушларны киби, оларны ерге тюшюреджегим. Джемаат эшиткен япкъан яманлыкълары ичюн, Мен оларны джезаларым.

Хошеа 8:8

Исраиль енъильди. Шимди о, халкълар арасында бир шейге ярамагъан савут киби олды.

Хошеа 9:7

Оларнынъ джеза куньлери кельди, эсап куньлери башланды. Исраиль бильсин ки, гуналары чокълугъындан, душманлыгъы буюклигинден пейгъамберлерни – ахмакъ, рухландырылгъан адамларны – дели саялар.

Амос 3:7

РАББИ-ТААЛЯ Озь ниетлерини къуллары пейгъамберлерге ачмагъандже, бир шей япмаз.

Амос 7:17

Шунынъ ичюн РАББИ бойле дей: – Апайынъ шеэрнинъ бир ороспусы оладжакъ, огъулларынънен къызларынъ къылычнен ольдюриледжек, сенинъ топрагъынъ ольчю йипинен пай этиледжек, сен исе арам ерде оледжексинъ. Исраиль исе мытлакъа озь мемлекетинден сюргюн этиледжек.

Амос 7:9

Исхакънынъ ибадет тёпелери ёкъ этиледжек, Исраильнинъ азиз ерлери йыкъыладжакъ, Еровоамнынъ эвине къаршы Мен къылычнен чыкъаджагъым.

Микъа 6:13

Шунынъ ичюн Мен гуналарынъыз ичюн ойле урарым ки, бир даа аякъкъа турып оламазсынъ. Сени бутюнлей ёкъ этеджегим.

Зекерья 1:6

Лякин Мен къулларыма пейгъамберлерге айткъан сёзлерим ве буюргъан низамнамелерим деделеринъизнинъ яшайышларында беджерильди. О вакъыт олар Манъа тёвбенен къайтып: «Ордуларнынъ РАББИси бизни яшайыш ёлларымыз ичюн ве япкъан ишлеримиз ичюн джезалады», – дедилер.

Юхан 16:4

Вакъты-саати кельгенде, сёзлеримни хатырланъыз деп, Мен буны сизге бильдирдим. Сизге буны эвельден айтмадым, чюнки сизнен берабер эдим.