Хошеа 5:14 - Мукъаддес Китап

¹⁴ Мен Эфраимге арслан киби оладжагъым, Ехуда халкъына яш арслан киби атыладжагъым. Мен оларны парчалайджагъым, алыр да кетерим, кимсе оларны къуртармаз.

Хошеа 5:14 ပူးပေါင်းရင်းမြစ်များ

Эюп акъкъында китап 10:16

Аякъкъа турсам, арслан киби, манъа атыласынъ, Озь аджайип къуветинъни кене манъа косьтересинъ.

Эюп акъкъында китап 10:7

Ярамаз адам олмагъанымны билесинъ, ве Сенинъ къолунъдан мени кимсе къуртармайджакъ.

Зебур 7:2

Мен Санъа ишанам, Аллам, я РАББИ! Мени эписи къувалагъанлардан къуртар ве къорчала мени!

Ешая 5:29

Олар, арсланлар киби, багъыралар, яш арсланлар киби, къычыралар. Багъырып, гъаниметни тутар да, алып кетер, ич кимсе къуртулып оламаз.

Йирмея 25:38

Арслан къобасындан киби, РАББИ Озь еринден чыкъты, Онынъ алевли гъазабындан ве ёкъ этиджи ачувындан оларнынъ топрагъы сахрагъа чевирильди.

Агълав йырлары 3:10

О, сакъланып беклеген аюв киби, гизли ерде отургъан арслан киби олды;

Хошеа 13:6

Мен оларгъа чобанлыкъ эттим, ве олар тойгъандже ашадылар. Тойгъан сонъ исе юреклери къопайды, ве олар Мени унутты.

Хошеа 2:12

Бутюн юзюмликлерини ве инджир тереклерини бакъымсыз къалдыраджагъым, чюнки о: «Мен буларны къазандым, олар – ойнашларым манъа берген бахшышлардыр» – деди. Мен оларны орманлыкъкъа чевиреджегим, олар кийик айванларгъа аш оладжакъ.

Хошеа 6:1

Беля вакътында олар Менден ярдым сорайджакъ ве: «Айдынъыз, РАББИмизге къайтайыкъ! О, хасталыкъ берди – О да тедавийлер, О, урды – О да яраларымызны сарар, – дейджек.

Амос 2:14

Чабик адамнынъ къачмагъа кучю олмайджакъ, кучьлюнинъ кучю къалмайджакъ, джесюр джаныны къуртарамайджакъ.

Микъа 5:8

Якъупнынъ къалгъан огъуллары халкъларнынъ арасында, чокъ миллетлернинъ арасында кийик айванларнынъ арасында арслан киби оладжакъ, къой сюрюсинде яш арслан киби оладжакъ. О, атыладжакъ, таптайджакъ ве парчалайджакъ, къуртулмагъа имкян къалдырмайджакъ.

Къануннынъ текрары 28:31

Козюнъ огюнде бугъанъны сояджакълар, сен исе бир кесек эт ашамайджакъсынъ. Сенинъ козюнъ огюнде эшегинъни алып кетеджеклер ве санъа кери къайтармайджакълар. Къой-эчкилеринъни душманларынъа береджеклер, ве кимсе сени къорчаламайджакъ.

Къануннынъ текрары 32:39

Энди корюнъиз: Керчектен де, Мен – Одыр! Менден гъайры алла ёкъ! Мен ольдюрем, Мен де яшайыш берем, Мен урам, Мен де тедавийлейим. Меним къолумдан кимсе къуртарып оламаз.