Хошеа 5:13 - Мукъаддес Китап

¹³ Эфраим озь хасталыгъыны корьгенде, Ехуда озь ярасына бакъкъанда, Эфраим Ашшургъа кетти, буюк падишадан ярдым сорады. Амма онынъ сизни яхшы этмеге кучю ёкъ, о, яраларынъызны тедавийлемез.

Хошеа 5:13 ပူးပေါင်းရင်းမြစ်များ

4 Падишалар 15:19

О вакъыт Исраиль топракъларына Ашшур падишасы Пул кельди. Менахем, Пулнынъ ярдымы ичюн ве падишалыкъны озь элинде къавийдже тутмакъ ичюн, Пулгъа 1 000 чувал кумюш берди.

4 Падишалар 15:29

Исраиль падишасы Пекъах куньлеринде Ашшур падишасы Тиглат-Пилесер келип, Иён, Авел-Бет-Маакъа, Яноах, Кедеш, Хацор, Гилад, Галилея, бутюн Нафталий топракъларыны запт этип, халкъны Ашшур мемлекетине кочюрди.

4 Падишалар 16:7

Ахаз, Ашшур падишасы Тиглат-Пилесерге эльчилер йиберип: «Мен сенинъ къулунъ ве огълунъ олам. Кель, манъа къаршы чыкъкъан Арамнынъ падишасындан ве Исраиль падишасындан къорчала», – деди.

Ешая 3:7

О адам исе бойле дейджек: «Бир шей япмагъа мумкюн дегилим! Эвимде не отьмек, не урба бар! Мени ёлбашчы этменъиз!»

Йирмея 30:12

РАББИ бойле дей: – Сенинъ яранъ яхшы олмаз, хасталыгъынъ агъыр.

Ехезкель 23:5

Охола даа Менимки олгъанда, ороспулыкъ этип башлады ве ойнашлары олгъан къомшу ашшурлыларгъа юрекнен берилип, истекнен артындан кетти.

Хошеа 10:6

Бузав путуны бахшыш оларакъ буюк падишагъа, Ашшур мемлекетине алып кетеджеклер. Эфраим масхара оладжакъ, озь къара ниети ичюн Исраиль утанаджакъ.

Хошеа 12:1

Эфраим бошуна ельни отлата, кунь бою шаркъ ельнинъ артындан къувалай. О, яланны ве амансызлыкъны чокълаштыра, Ашшурнен барышыкъ япа, Мысыргъа зейтюн ягъыны алып кете.

Хошеа 14:3

РАББИге къайтынъыз, Оны чагъырынъыз, Онъа айтынъыз: «Бутюн къабаатларымызны багъышла, эйиликнен бизни къабул эт, ве биз тиллеримизнен Санъа шукюр этеджекмиз».

Хошеа 2:7

О, ойнашларынынъ пешинден чападжакъ, амма артларындан еталмайджакъ, оларны къыдыраджакъ, амма тапалмайджакъ. О вакъыт о: «Биринджи акъайыма къайтайым, чюнки о заманки алым шимдикисинден хайырлы эди!» – дейджек.

Хошеа 7:11

Эфраим акъылсыз гогерджин киби олды: де мысырлыларны ярдымгъа чагъыра, де Ашшургъа кете.

Хошеа 8:9

Янъгъыз быралкъылангъан кийик эшек киби, олар Ашшургъа кеттилер; Эфраим башкъаларнынъ урьмет-севгисини сатын алмагъа тырышты.

Микъа 1:9

Самариенинъ яралары яхшы олмаз; хасталыкъ Ехудагъа да кельди, меним халкъымнынъ къапусына, Ерусалим шеэрине якъынлашты.