Хошеа 5:10 - Мукъаддес Китап

¹⁰ Ехуда башлыкълары меджаларны денъиштирген адамлар киби олды, шунынъ ичюн Мен устьлерине ачувымны сув киби тёкеджегим.

Хошеа 5:10 ပူးပေါင်းရင်းမြစ်များ

Зебур 32:6

Коклер РАББИнинъ сёзюнен яратылгъан, бутюн кок ордулары Онынъ Рухунен япылгъан.

Зебур 88:17

Адынъа халкъ бутюн кунь севинир, адалетинънен юкъарыгъа котерилир!

Икметли сёзлер 17:14

Къавгъанынъ башланувы сув акъувына ошай. Беля чыкъмаздан эвель, къавгъаны токътат.

Икметли сёзлер 22:28

Баба-деделеринъ кечирген эски сынъырнынъ ерини денъиштирме.

Ешая 1:23

Башлыкъларынъ къанунны бозалар хырсызларнен достлашалар. Оларнынъ эписи бахшышларны севе ве къапарларны къыдыра. Етимни къорчаламайлар, тул къадыннынъ давасы оларгъа барып етмей.

Ехезкель 22:22

Кумюш оджакъта иригени киби, сизлер де анда ирийджексинъиз. О заман Мен, РАББИ, устюнъизге ачувымны тёккенимни билирсинъиз.

Ехезкель 7:8

Тезден гъазабымны устюнъизге тёкеджегим, ачувымны сизге тюшюреджегим, сизлерни япкъан ишлеринъиз ичюн суд этеджегим, ишлеген пис шейлеринъиз ичюн сизни джезалайджагъым.

Матта 7:27

Ягъмур ягъып, озенлер ташып, еллер эсип, эвнинъ устюне тюшселер, эв эшилип, дагъылып кетеджек.

Лука 6:49

Сёзлеримни динълеп, оларны беджермеген адам исе эвини топракъ устюнде темельсиз къургъан адамгъа ошай. Озеннинъ сувлары эвге урулгъанда, эв бирден дагъылып кетти. Ондан тек виран олгъан бир оба къалды.

Къануннынъ текрары 19:14

Алланъ олгъан РАББИ санъа мульк оларакъ береджек топракъта, санъа тиеджек топракънынъ пайында деделер къойгъан, якъын адамнынъ пайынынъ сынъырларыны къыбырдатма.

Къануннынъ текрары 27:17

«Якъын адамнынъ топракъ пайынынъ сынъырыны къыбырдаткъан адамгъа лянет!» Бутюн халкъ: «Амин!» – десин.