Хошеа 4:2 - Мукъаддес Китап

² Адамлар къаргъайлар, ялан айталар, башкъаларны ольдюрелер, хырсызлайлар ве ороспулыкъ япалар. Къан эр ерде тёкюле.

Хошеа 4:2 ပူးပေါင်းရင်းမြစ်များ

Башланув 4:8

Сонъ Хаин озь къардашы Хабильнен лаф этти. Олар тарлада олгъанда, Хаин озь къардашы Хабильге къаршы чыкъып, оны ольдюрди.

Ешая 24:5

Ер юзюнде яшагъан адамлар оны арамлады, Къанунны таптадылар, низамнамени денъиштирдилер, эбедий Васиетни боздылар.

Ешая 48:1

– Эй, Якъупнынъ эви, буны динъленъиз! Исраиль адынен адланасыз, Ехуда союндан келип чыкъасыз, РАББИнинъ Адынен ант этесиз, Исраильнинъ Алласыны чагъырасыз, лякин ишанчлыкъ ве инсафлыкътан узакъ оласыз.

Йирмея 51:5

Алла, Ордуларнынъ РАББИси, Исраильни ве Ехуданы ташлап кетмеди; Исраильнинъ Азизи огюнде топракълары гуналаргъа толу олса да, олар тул къадын олмадылар.

Йирмея 6:7

Чокъракъ сувны фышкъырткъаны дайын, Ерусалим де яманлыкъны фышкъырта. Анда зулум ве хырсызлыкъ токътамай, адамларнынъ азаплары ве яралары эр вакъыт козюм огюндедир.

Агълав йырлары 4:13

Бунынъ эписи – пейгъамберлернинъ гунасы, руханийлернинъ къабааты ичюн джезадыр, чюнки олар шеэрнинъ ортасында догъру адамларнынъ къаныны тёктилер.

Ехезкель 7:23

Зынджырны азырланъыз. Мемлекет олюм джезасынен джезаланаджакъ джинаетлерге толды, ве зулумлыкъ шеэрни сарды.

Хошеа 10:13

Сиз исе яманлыкъ осьтюрдинъиз, шунынъ ичюн къабаат джыйдынъыз. Сиз ялан мейвасыны ашадынъыз, чюнки озь ёлунъызгъа, ёлдашларынъызнынъ чокълугъына ишандынъыз.

Хошеа 10:4

Олар бош лафлар айталар, алдатып, ант этелер, барышыкъ шартнамелерини япалар. Бунынъ ичюн давалар, сюрюльген тарлада зеэрли отлар киби, бой берелер.

Хошеа 11:12

Эфраим этрафымны яланнен сарды, Исраиль халкъы алдавнен Мени ортагъа алды. Ехуда исе даа Алланен, о, Азиз Аллагъа даа садыкъ.

Хошеа 12:14

Эфраим Алланы пек ачувландырды, шунынъ ичюн О, онынъ къабаатыны багъышламаз, Рабби Озь джезасыны онынъ башына тюшюрир.

Хошеа 5:2

Манъа къаршы чыкъкъанлар пек харапландылар, амма Мен оларнынъ эписини джезалайджагъым.

Хошеа 6:8

Гилад – яманлыкъ япкъанларнынъ шеэридир, къан излерине толудыр.

Хошеа 6:9

Руханийлернинъ сюрюси – айдутлар такъымы кибидир: олар сакъланып, бирисини беклейлер, Шекем ёлунда ольдюрелер, пис шейлерни япалар.

Хошеа 7:1

Мен Исраильге шифа берген вакътында, Эфраимнинъ къабааты ве Самариенинъ ярамазлыгъы ачыла. Олар алдата, хырсызлар эвлерге кире, сокъакъ бою айдутлар сыдыра.

Хошеа 7:3

Олар яманлыкъларынен – падишаны къувандыра, яланларынен – башлыкъларыны шенълендире.

Хошеа 7:4

Оларнынъ эписи фурундаки атешке ошай: фурунджы атешни якъкъан сонъ, хамырны баса ве онъа минмеге ёл бере, алевни исе бир даа къарыштырмагъа керекмей. Олар да сёнмейип, ороспулыкътан къызара.

Микъа 3:2

Сизлер исе эйиликни севмейип, яманлыкъны севесинъиз. Халкъымнынъ терисини сыдырып, кемиклеринден этини айырасыз.

Микъа 3:9

Эй, Якъуп эвининъ башлыкълары ве Исраиль эвининъ ёлбашчылары, буны динъленъиз! Сизлер адалетни севмейсинъиз, эр бир догъру шейни къыйыш этесинъиз,

Микъа 6:10

Ярамайларнынъ эвлери арам къазангъан байлыкъкъа толу, анда да пис яланджы теразелери.

Микъа 7:2

Ерде мераметли адамлар къалмады, адамлар арасында догъру сою ёкъ. Эр кес, къан тёкмек ичюн, къапкъан къоя, къардаш къардашына къаршы тузакъ къура.

Цефанья 3:1

Пис, арамлангъан шеэрге, башкъаларны эзиетлеген шеэрге беля олсун!

Зекерья 5:3

О, манъа: – Бу – бутюн ер юзюне тюшеяткъан къаргъыштыр, – деди. – Бургъу кягъытнынъ бир янында язылгъаны киби, хырсызлыкъ эткен эр ким къырыладжакъ. Обир янында язылгъанына коре, ант этип ялан айткъан адам да ёкъ оладжакъ.

Зекерья 7:9

– Ордуларнынъ РАББИси бойле дей: Адалетли суд этинъиз, бири-биринъизге мерамет ве шефкъатнен янашынъыз.

Матта 23:35

Бойледже, инсафлы адам Хабильнинъ къанындан башлап, Алланынъ Сарайы ве къурбан ери арасында сизлер ольдюрген Берекиянынъ огълу Зекъарьянынъ къанынадже ер юзюнде тёкюльген бутюн гунасыз адамларнынъ къаны сизинъ бойнунъызда!

Фаалиет 7:52

Бабаларынъыз пейгъамберлерден къайсы бирисини къувмадылар? Олар Инсафлы Олгъаннынъ келеджегини хабер эткенлерни ольдюрдилер. Сизлер де энди Оны саткъан ве ольдюрген адамлар олдынъыз!

Къануннынъ текрары 5:11

Алланъ олгъан РАББИнинъ Адыны нафиле айтма. РАББИ Онынъ Адыны нафиле айткъан адамны къабаатсыз къалдырмайджакъ.

Къануннынъ текрары 5:18

Аиле садыкълыгъыны бозма.

Къануннынъ текрары 5:19

Хырсызлама.

1 Тессалоникелилерге 2:15

Еудийлер Рабби Исаны ве пейгъамберлерни ольдюрдилер, бизни де къувдылар. Олар Алланынъ разылыгъыны къыдырмайлар ве бутюн адамларгъа къаршы чыкъалар,

Сырларнынъ ачылувы 17:6

Къадын Алланынъ халкъы къанындан ве Исанынъ шаатлары къанындан сархош олгъаныны корьдим. Оны корьгенимде, пек шаштым.