Хошеа 4:19 - Мукъаддес Китап

¹⁹ Ель оларны учурып кетеджек, олар путларгъа кетирильген къурбанларындан утанаджакъ.

Хошеа 4:19 ပူးပေါင်းရင်းမြစ်များ

Ешая 1:29

– Сиз истеген эмен тереклеринъизден утанаджакъсынъыз, сиз сайлагъан багъчаларынъыз ичюн бетлеринъиз къызараджакъ.

Ешая 42:17

О заман путларгъа ишангъанлар, оларгъа: «Сиздир бизим аллаларымыз», – дегенлер арткъа чекиледжеклер, буюк масхаралыкъкъа огърайджакълар.

Йирмея 17:13

РАББИ, Сен – Исраильнинъ ишанчысынъ! Сени ташлап кеткенлер эписи масхара оладжакълар. Сени ред эткенлернинъ адлары куль устюнде языладжакъ; олар РАББИни, тири сувнынъ чокърагъыны быракътылар.

Йирмея 51:1

РАББИ бойле дей: – Бакъынъыз! Мен Вавилонгъа ве Лев-Камайгъа къаршы ёкъ этиджи ельни котереджегим.

Хошеа 10:10

Истегиме коре Мен оларны джезалайджагъым. Халкълар оларгъа къаршы топланаджакъ ве оларны эки къабааты ичюн зынджырларнен багълайджакъ.

Хошеа 10:6

Бузав путуны бахшыш оларакъ буюк падишагъа, Ашшур мемлекетине алып кетеджеклер. Эфраим масхара оладжакъ, озь къара ниети ичюн Исраиль утанаджакъ.

Хошеа 12:1

Эфраим бошуна ельни отлата, кунь бою шаркъ ельнинъ артындан къувалай. О, яланны ве амансызлыкъны чокълаштыра, Ашшурнен барышыкъ япа, Мысыргъа зейтюн ягъыны алып кете.

Хошеа 13:15

Агъа-къардашлары арасында Эфраим бол къысметли олса да, шаркътан къуру рузгяр келеджек, сахрадан эскен РАББИнинъ ели котериледжек, онынъ чокъракълары къуруйджакъ, чешмелерининъ суву битеджек. Оларнынъ къыйметли шейлернинъ бутюн хазинеси тартып алынаджакъ ве бошатыладжакъ.