Хошеа 2:17 - Мукъаддес Китап

¹⁷ Агъзынъдан Баал путларынынъ адларыны узакълаштыраджагъым, ве адлары бир даа анъылмайджакъ.

Хошеа 2:17 ပူးပေါင်းရင်းမြစ်များ

Зебур 16:4

Сенинъ сёзлеринъе коре, мен адамларнынъ ишлеринде зулумлыкъ ёлларындан озюмни сакъладым.

Чыкъыш 15:1

РАББИге йырлайым, О, юксек котерильгендир! О, атны ве устюндеки атлыны денъизге ташлады.

Чыкъыш 23:13

Мен сизге бутюн айткъан шейлеримни тутунъыз. Башкъа аллаларнынъ адларыны анъманъыз, олар агъызларынъыздан чыкъмасын.

Йирмея 10:11

Оларгъа бойле дейджексинъиз: «Ерни ве коклерни яратмагъан аллалар ерден, кокнинъ тюбюнден ёкъ оладжакълар».

Йирмея 2:2

– Бар, Ерусалим халкъына беян эт: РАББИ бойле айта: – Акъылымда тутам ки, яшлыгъынъда Манъа ишанчлы эдинъ, Мени, келин киби, севдинъ, Меним артымдан сахрагъа, сачылмагъан топракъкъа кеттинъ.

Зекерья 13:2

О куню Мен бу мемлекетте путларнынъ адларыны силип ташлайджагъым, ве олар бир даа анъылмайджакълар, – дей Ордуларнынъ РАББИси. – Бундан гъайры, Мен пейгъамберлерни ве арамлыкъ рухуны да топракътан узакълаштыраджагъым.

Нун огълу Ехошуа 23:7

Аранъызда къалгъан халкъларнен достлашманъыз, аллаларынынъ адларыны анъып кечменъиз, аллаларынен емин этменъиз ве оларгъа табынып хызмет этменъиз.

Нун огълу Ехошуа 7:26

Акъаннынъ устюне атып буюк таш обасыны обаладылар. Оба бу куньге къадар сакъланып къалды. Бундан сонъ РАББИнинъ гъазабы ятышты. О ер бу куньге къадар Акъор вадийи деп адлана.