Хошеа 2:13 - Мукъаддес Китап

¹³ Мен оны джезалайджагъым, чюнки о, Баал путларына хызмет эте, оларгъа къокъулы отларны якъа, юзюклер ве герданлыкъларнен безенип, ойнашларынынъ артындан кетти, Мени исе унутты, – дей РАББИ.

Хошеа 2:13 ပူးပေါင်းရင်းမြစ်များ

4 Падишалар 1:2

Ахазья исе Самариедеки эвининъ юкъары одасынынъ пармакълыгъындан йыкъылып яраланды. Эльчилерине эмир берип: «Барынъыз, Экрон шеэрининъ алласы олгъан Баал-Зевувдан соранъыз ки, Мен ярамдан тедавийленир экенимми?» – деп, оларны ёллады.

4 Падишалар 10:28

Бойлеликнен, Еху бутюн Исраиль топракъларындан Баалны ёкъ этти.

4 Падишалар 21:3

О, бабасы Хизкия ёкъ эткен ибадет тёпелерини гъайрыдан тикледи, Баалгъа къурбан ерини къурды, Исраиль падишасы Ахав киби, Ашера путуна табынма дирегини ясады, коклернинъ ордусына табынды ве хызмет этти.

Эюп акъкъында китап 8:13

Алланы унуткъан эр кеснинъ сонъу бойледир, алласызларнынъ умюти гъайып олур.

Зебур 106:13

Беляда РАББИни чагъырдылар, ве О, оларны азапларындан къуртарды.

Зебур 106:21

РАББИге шукюр этсинлер буюк севгиси ичюн, инсан огъулларына косьтерген аджайип ишлери ичюн!

Зебур 78:11

Эсирлернинъ инъильтиси Сенинъ къулагъынъа етсин; олюмге суд этильген адамларны буюк къудретинънен сакъла!

Чыкъыш 32:34

– Шимди тюшип, бу халкъны Мен санъа айткъан ерге алып кет. Сенинъ огюнъден Мелегим кетеджек. Вакъты-саати кельгенде, Мен исраиллилерни гуналары ичюн джезаларым.

Ешая 17:10

Сени къуртаргъан Алланъны унуттынъ, сени сакълагъан Къаянъны акъылынъа кетирмединъ, бунынъ ерине шенълендирген багъларны осьтюрдинъ, ябан юзюм пытагъындан чубукъ сачтынъ.

Ешая 65:7

Дагъларда къокъулы отларны якътылар, Мени байырларда яманладылар, – дей РАББИ. – Шунынъ ичюн гуналары ве бабаларынынъ гуналары ичюн джезасыны береджегим, эвель эткен ишлери ичюн джезасыны башларынъызгъа тюшюреджегим.

Йирмея 11:13

Шеэрлеринънинъ сайысы къадар аллаларынъ да бар, эй, Ехуда! Ерусалим сокъакъларынынъ сайысы къадар джиренч аллаларгъа къурбан ерлерини къурдынъыз, Баалгъа къокъулы отларны якъмакъ ичюн ерлерни яптынъыз.

Йирмея 18:15

Халкъым исе Мени унутты, бош путларгъа къокъулы отларны якъалар, къадимий ёлундан урулдылар, юрюльген ёлдан дегиль де, насылдыр сокъачыкътан кеттилер.

Йирмея 2:32

Къыз озь ильванларыны, келин озь келин урбасыны унутып олурмы? Халкъым исе сайылмаз куньлерден берли Мени унутты.

Йирмея 23:2

Онынъ ичюн РАББИ, Исраильнинъ Алласы, халкъымны бакъкъан чобанларгъа бойле дей: – Сизлер къойларымны дагъыттынъыз, оларны къачырдынъыз, оларны бакъмадынъыз. Бакъынъыз! Яман ишлеринъиз ичюн сизни джезалайджагъым, – дей РАББИ.

Йирмея 7:34

Ехуда шеэрлеринде, Ерусалим сокъакъларында къуванч ве шенълик сеслерини токътатаджагъым, келиннен киевнинъ сеслерини кеседжегим, ве мемлекет харап оладжакъ.

Йирмея 7:9

Хырсызлайсынъыз, ольдюресинъиз, ороспуланасынъыз, ялан айтып, ант этесинъиз, Баал путуна къокъулы отларны якъасынъыз, сизге белли олмагъан башкъа аллаларнынъ артындан юресинъиз,

Агълав йырлары 1:4

Сион ёллары агълайлар, чюнки байрамгъа кеткенлер ёкъ; эписи къапулары янларында ич ким къалмады, руханийлери ич чекелер; къызлары гъам-къасевет чекелер, озю де аджджы алда.

Агълав йырлары 5:14

Шеэр къапуларында акъсакъаллар отурмай, йигитлер энди йырламай.

Ехезкель 16:12

Бурнунъа алкъа, къулакъларынъа купелер такътым. Башынъа да гузель тадж къойдым.

Ехезкель 16:17

Мен санъа берген, алтын ве кумюшимден япылгъан къыйметли шейлерни алдынъ, олардан эркек путлары япып, оларнен ороспулыкъ эттинъ.

Ехезкель 22:12

Сенде яшагъанлар къан тёкмек ичюн, къапарларны берелер. Сен файдасы ичюн пара бересинъ, пара бергенде, фаиз истейсинъ, якъынынъны зорлап, ондан акъча тутып аласынъ. Мени исе сен къалдырдынъ, – дей РАББИ-ТААЛЯ.

Ехезкель 23:35

Шунынъ ичюн РАББИ-ТААЛЯ шойле дей: Мени унуткъанынъ ве Менден вазгечкенинъ ичюн, масхаралыгъынъ ве ороспулыгъынъ ичюн джезаны ал.

Хошеа 11:2

Мен исраиллилерни чокъ чагъырдым, олар исе эп узакълаша эди. Олар Баалларгъа къурбанларны кетире, путларгъа къокъулы отларны якъа эди.

Хошеа 13:1

Эфраим лаф эткенде, эр кес титрей эди. О, Исраильде юксельди, лякин Баал ичюн къабаат ишлеп, гъайып олды.

Хошеа 13:6

Мен оларгъа чобанлыкъ эттим, ве олар тойгъандже ашадылар. Тойгъан сонъ исе юреклери къопайды, ве олар Мени унутты.

Хошеа 2:5

Оларнынъ анасы ороспулыкъ этти, оларгъа юкке къалгъан къадын масхара олды. О: «Ойнашларым манъа отьмек, сув, юнь, кетен, зейтюн ягъы, ичимликлерни берелер. Мен оларнынъ артындан кетеджегим», – деди.

Хошеа 2:7

О, ойнашларынынъ пешинден чападжакъ, амма артларындан еталмайджакъ, оларны къыдыраджакъ, амма тапалмайджакъ. О вакъыт о: «Биринджи акъайыма къайтайым, чюнки о заманки алым шимдикисинден хайырлы эди!» – дейджек.

Хошеа 4:13

Олар дагъ тёпелеринде къурбан чалалар, эр бир байыр устюнде, эмен, сельби, эр бир буюк терек тюбюнде, кольгелери яхшы олгъаны ичюн, къокъулы отларны якъалар. Шунынъ ичюн къызларынъыз ороспулана, келинлеринъиз де къоранта садыкълыгъыны боза.

Хошеа 4:6

Кереги къадар бильгиси олмагъан халкъым гъайып олур. Сен бильгини ред эткенинъ ичюн, Мен сени руханийлик этмектен ред этеджегим. Сен Алланънынъ Къануныны унуткъанынъ ичюн, Мен де сенинъ балаларынъны унутаджагъым.

Хошеа 8:14

Исраиль Яратыджысыны унутты, путларгъа ибадетханелерни ясады, Ехуда бир чокъ янына барылмаз шеэрни къурды. Амма Мен оларнынъ шеэрлерине атеш ёллайджагъым, ве о, къалелерини ашап битиреджек.

Хошеа 9:7

Оларнынъ джеза куньлери кельди, эсап куньлери башланды. Исраиль бильсин ки, гуналары чокълугъындан, душманлыгъы буюклигинден пейгъамберлерни – ахмакъ, рухландырылгъан адамларны – дели саялар.

Амос 8:10

Байрамларынъызны агълавгъа айландыраджагъым, эписи тюркюлеринъизни дженазе иляхийлерине чевиреджегим. Эр кесни чувал урбасы киймеге меджбур этеджегим, эр кеснинъ баш сачлары тыраш оладжакъ. О куню бирден-бир огълунынъ артындан агълагъанлар киби оладжакъсынъыз. Бу кунни сонъуна къадар аджджы япаджагъым.

Къануннынъ текрары 32:18

Сени дюньягъа кетирген Къаяны унуткъансынъ, сени дертнен догъгъан Алланы акъылынъдан чыкъаргъансынъ.

Къануннынъ текрары 6:12

сакъын, РАББИни унутма. О, сени Мысыр топрагъындан, къуллукъ эвинден алып чыкъты.

Къадылар 10:6

Исраиллилер РАББИнинъ огюнде ярамай ишлер япмагъа девам эте эдилер, Баал ве Ашторет путларына, арамлыларнынъ аллаларына, сидонлыларнынъ аллаларына, моавлыларнынъ аллаларына, Аммон огъулларынынъ аллаларына ве фелестинлилернинъ аллаларына хызмет эте эдилер. РАББИден вазгечип, Онъа хызмет этмедилер.

Къадылар 3:7

Исраиль огъуллары РАББИнинъ огюнде пек ярамай шейлер яптылар, Алласы олгъан РАББИни унуттылар, Баал ве Ашторет путларына хызмет эттилер.

1 Падишалар 12:9

Лякин бабаларынъыз РАББИни, озь Алласыны унуттылар. Шунынъ ичюн РАББИ оларны Хацор ордусынынъ башы Сисеранынъ элине, фелестинлилернинъ элине ве Моав падишасынынъ элине теслим этти, оларны дженкке огъратты.