Хошеа 13:14 - Мукъаддес Китап

¹⁴ Оларны олюлер дюньясы акиминден къуртарайыммы? Оларны олюмден къорчалайыммы? Ёкъ! Эй, олюм, озь азапларынъны башларына тюшюр! Олюлер дюньясы, айды, урып-йыкъ! Ич аджымайджагъым оларны!

Хошеа 13:14 ပူးပေါင်းရင်းမြစ်များ

Эюп акъкъында китап 33:24

онъа мерамет косьтерсе ве: «Оны мезардан къуртар, мен онынъ ичюн одеме таптым», – десе,

Эюп акъкъында китап 41:22

Къурсагъынынъ тюбю чёльмек парчалары киби кескин, оларнен чамур ичинде баразна ачар.

Зебур 16:10

Оларнынъ юрегини ягъ баскъан, агъызлары къопайып макътаналар.

Зебур 30:3

Манъа къулакъ ас, тез-тез къуртар мени! Меним таянаджакъ къаям, мени къуртараджакъ сыгъынакъ эви ол!

Зебур 49:15

Беля куньлеринде Мени чагъыр, Мен сени къуртарырым, ве сен Мени шуретлерсинъ».

Зебур 49:16

Гунакяргъа исе Алла шойле дей: «Не ичюн сен Меним низамнамелеримни айтып бересинъ? Меним васиетимни агъзынъа не ичюн аласынъ?

Зебур 71:20

Шунынънен, Йишай огълу Давутнынъ дувалары битти.

Ешая 25:8

олюм эбедиен енъиледжек, РАББИ-ТААЛЯ бутюн юзьлерден козьяшларны силеджек, ер юзюнде Онынъ халкъыны бир вакъыт яманламайджакълар ве масхара этмейджеклер. РАББИ бойле дей.

Ешая 26:19

Сенинъ олюлеринъ тириледжек, ольген беденлер тураджакъ. Топракъта яткъанлар, уянынъыз, къуванчнен къычырынъыз! Чыкъ откъа тюшкени дайын, Сенинъ мераметинъ олю рухларнынъ мемлекетине энеджек.

Йирмея 15:6

Сен Мени ташлап кеттинъ, – дей РАББИ, – Манъа аркъанъны чевирдинъ. Мен къолумны санъа къаршы котерип, сени гъайып этеджегим. Сени аджымакътан ёрулдым.

Йирмея 20:16

О адам, РАББИ аджымаздан йыкътыргъан шеэрлер киби олсун! Саба къычырувларны, уйледе телюке багъырувны эшитсин!

Йирмея 31:35

Куньдюз парылдамагъа кунешни берген, геджеде парылдамакъ ичюн айнен йылдызларгъа низамнамелерни буюргъан, далгъалары окюрсин деп, денъизни котерген РАББИ бойле дей. Онынъ Ады – Ордуларнынъ РАББИсидир!

Ехезкель 37:9

О заман О, манъа шойле деди: – Инсан огълу! Рух акъкъында пейгъамберлик эт. Пейгъамберлик этип, Рухкъа бойле айт: РАББИ-ТААЛЯ бойле дей: «Рух! Дёрт ельден кель, шу ольдюрильгенлерге уфюр, олар тирильсинлер».

Хошеа 6:2

– Эки куньде бизни яхшы этер, учюнджи куню аякъкъа турсатыр, ве биз Онынъ огюнде яшармыз.

Хошеа 7:10

Исраильнинъ къопайлыгъы – озюне къаршы шааттыр. Бунъа бакъмадан да, олар РАББИге, Алласына къайтмады, Оны къыдырмады.

Малакий 3:6

– Мен – РАББИм, Мен денъишмем. Онынъ ичюн сиз ёкъ олмадынъыз, эй, Якъупнынъ огъуллары!

Сайылар 23:19

Алла адам дегиль, О, ялан сёйлемез. Алла инсан огълу дегиль. О, тюшюнджесини денъиштирмез. Айтып да, япмазмы? Сёз берип де, ерине кетирмезми?

Римлилерге 11:15

Оларнынъ ред этилюви бутюн дюньяны Алланен барыштырды; Алла оларны къабул этеджек вакъытта адамлар олюмден яшайышкъа къайтмазмы?

Римлилерге 11:29

Алланынъ эйилиги ве чагъырувы денъишмез.

2 Коринтлилерге 5:4

Дюньядаки эвде олгъанымызда, агъырлыкъ астында агълаймыз. Бу эвден чыкъмагъа истемеймиз, лякин коктеки беденге кийинмеге, эбедий яшайыш оледжек шейни енъеджегини истеймиз.

Филиплердекилерге 3:21

Эр шейни Онъа бойсундыраджакъ къудретинен, О, бизим заваллы беденимизни Озюнинъ шуретли беденине ошатып денъиштиреджек.

1 Тессалоникелилерге 4:14

эгер биз Исанынъ ольгенине ве тирильгенине инансакъ, Алла Исагъа иманнен ольгенлерни Онен берабер алып кетиреджегине де инанамыз.

Якъуп 1:17

Эр бир яхшы ве мукеммель бахшыш юкъарыдан, коклердеки ярыкъларны яраткъан Бабадан келе. О, денъишип тургъан кольгеге ошамаз, ич бир вакъыт денъишмез.

Сырларнынъ ачылувы 20:13

Денъиз озюндеки олюлерни йиберди, олюм ве олюлернинъ дюньясы озьлериндеки олюлерни бердилер, эр бир адам ишлерине коре укюм этильди.

Сырларнынъ ачылувы 21:4

Алла оларнынъ козюндеки эр бир козьяшны силеджек, ве энди олюм олмайджакъ. Гъам да, агълав да, агъры да олмаз. Эвельки шейлер кечип кетти.

Сырларнынъ ачылувы 6:8

Бакъсам, бир агъаргъан ат келеяткъаныны корьдим. Аткъа минген атлынынъ ады Олюм эди. Онынъ артындан Олюлернинъ Дюньясы келеята эди. Оларгъа ернинъ дёртте бир къысмында къылычнен, ачлыкъ ве ольдюриджи хасталыкънен адамларны ольдюрмек ве оларгъа ернинъ кийик айванларыны йибермек акъкъы берильген.

1 Падишалар 15:29

Исраильнинъ Эбедий Олгъан ялан айтмай ве языкъсынмай, чюнки О, адам дегиль, инсан киби языкъ этмей, – деди.