Хошеа 13:1 - Мукъаддес Китап

¹ Эфраим лаф эткенде, эр кес титрей эди. О, Исраильде юксельди, лякин Баал ичюн къабаат ишлеп, гъайып олды.

Хошеа 13:1 ပူးပေါင်းရင်းမြစ်များ

Башланув 2:17

Лякин яхшылыкънен яманлыкъны айырып таныткъан теректен ашамакъны Мен санъа ясакъ этем. Шу теректен махсул ашагъан куню оледжексинъ, – деп эмир этти.

3 Падишалар 12:25

Еровоам Эфраим дагълы топрагъында Шекем шеэрини къавийлештирди ве анда ерлешти. Шу ерден барып, Пенуэл шеэрини янъыдан къурды.

Эюп акъкъында китап 29:21

Адамлар мени урьметнен динълеп, огютимни индемейип беклей эди.

Эюп акъкъында китап 29:22

Мен лаф эткенимден сонъ, лаф этмей эдилер, сув къуру ерге киби, сёзлерим оларнынъ устьлерине тамлай эди.

Икметли сёзлер 18:12

Байнынъ малы-мулькю – онынъ пекитильген къалеси, тасавурында юксек дивар киби корюне.

Ешая 66:2

Къолларым бутюн буларны япты, бойле этип, эр шей пейда олды, – дей РАББИ. Лякин Мен алчакъгонъюллилерге, рухтан тюшкенлерге, сёзюм огюнде къалтырагъанларгъа бакъаджагъым.

Ешая 7:8

Дамаск шеэри – Арамнынъ баш шеэри, Дамаскнынъ башы исе – Рецин. Алтмыш беш йыл кечкен сонъ, Эфраим деген халкъ ер юзюнде олмайджакъ.

Хошеа 11:2

Мен исраиллилерни чокъ чагъырдым, олар исе эп узакълаша эди. Олар Баалларгъа къурбанларны кетире, путларгъа къокъулы отларны якъа эди.

Хошеа 2:10

Шимди ойнашларынынъ огюнде масхарасыны ачаджагъым, ич кимсе оны къолумдан къуртарамайджакъ.

Хошеа 2:8

Мен онъа богъдай, янъы шарап, зейтюн ягъыны бердим, бундан онынъ хабери исе ёкъ эди. Мен онынъ алтын-кумюшини чокълаштырдым, олар исе оларны Баал путуна берди.

Хошеа 8:4

Менден сорамайып, озьлерине падишаларны къойдылар, хаберим олмайып, башлыкъларыны сайладылар. Кумюш ве алтынларындан озьлерине путлар ясады, шунынъ ичюн де олар гъайып олды.

Сайылар 10:22

Сонъ Эфраим огъулларынынъ ордусы озь байрагъы тюбюнде болюклерине коре ёлгъа чыкъты. Аммихуднынъ огълу Элишама оларнынъ орду башлыгъы эди.

Сайылар 13:16

Гъад къабилесинден – Макийнинъ огълу Геуэл.

Сайылар 13:8

Йиссакъар къабилесинден – Юсуфнынъ огълу Игъал,

Лука 14:11

Эр бир озюни юксельткен адам алчакълатыладжакъ. Озюни алчакълаткъан исе юксельтиледжек.

Римлилерге 5:12

Дюньягъа гуна бир адамнен кельди, гунанен олюм кельди ве эписи адамларгъа кечти, чюнки эписи гуна япты.

2 Коринтлилерге 5:14

Бизге Месихнинъ севгиси башлыкъ эте, ве биз бойле тюшюнемиз: эгер бир адам бутюн адамлар ичюн ольген олса, булар эписи ольгенлер.

Нун огълу Ехошуа 3:7

О заман РАББИ Ехошуагъа: – Бугунь Мен сени бутюн Исраильнинъ козю огюнде юксельтмеге башларым, – деди. – Сонъ олар, Мен Мусанен олгъаным дайын, сеннен оладжагъымны билирлер.

Къадылар 12:1

Эфраим акъайлары топлашып, Цафонгъа кельдилер ве Йифтахкъа бойле дедилер: – Сен аммонлыларнен дженкке кеткенде, не ичюн бизни чагъырмадынъ? Бойле япкъанынъ ичюн биз сени эвинънен берабер якъаджакъмыз!

Къадылар 8:1

Эфраимлилер Гидонгъа келип, онъа: – Сен не ичюн ойле яптынъ? Мидьянлыларгъа къаршы дженкке чыкъкъанда, не ичюн бизлерни чагъырмадынъ? – дедилер. Олар пек ачувлы лаф эте эдилер.

1 Падишалар 15:17

Смаил: – Сен озь-озюнъни пек алчакъ сая эдинъ, лякин Исраиль къабилелерининъ башлыгъы олдынъ, ве РАББИ сени ягънен сюртип, Исраильнинъ падишасы этти.