Хошеа 10:13 - Мукъаддес Китап

¹³ Сиз исе яманлыкъ осьтюрдинъиз, шунынъ ичюн къабаат джыйдынъыз. Сиз ялан мейвасыны ашадынъыз, чюнки озь ёлунъызгъа, ёлдашларынъызнынъ чокълугъына ишандынъыз.

Хошеа 10:13 ပူးပေါင်းရင်းမြစ်များ

Эюп акъкъында китап 4:8

Корьгениме коре, кемлик ве яманлыкъ сачкъанлар белялар берекетини джыяр.

Зебур 33:16

РАББИнинъ козьлери инсафлыларгъа бакъа, къулакълары ярдым фигъанларына ачыкъ.

Зебур 52:7

Исраильни къуртармакъ ичюн, ким Сион дагъындан келеджек? Алла Озь халкъыны оларнынъ топрагъына къайтаргъанда, Якъупнынъ сою къуванчнен къычыраджакъ, Исраиль пек севинеджек!

Зебур 62:10

Амма джанымны ёкъ этмеге истеген адамлар ернинъ теренлигине тюшип кетсинлер.

Икметли сёзлер 1:31

Онынъ ичюн туткъан ёлларынынъ мейвасыны ашайджакълар, озь тюшюнджелеринден тояджакълар.

Икметли сёзлер 12:19

Керчек сёзлернинъ омрю узакъ, ялан лафнынъ исе – къыскъа.

Икметли сёзлер 13:2

Айткъан лафына коре адам яхшылыкъ тапа, къара юрекли олгъанлар исе яманлыкъ этип яшай.

Икметли сёзлер 19:5

Яланджы шаат джезасыз къалмаз, ялан айткъан адам да къуртулып оламаз.

Икметли сёзлер 22:8

Адалетсизлик сачкъан – беля джыяр, онынъ гъазабындан бир шей биле къалмаз.

Джемаат башы 9:11

Ер юзюнде мен даа бир шей корьдим: Атиклер мувафакъиетли чапувны, джесюрлер енъишни, икметлилер отьмекни, акъыллылар байлыкъны, бильген адамлар яхшы мунасебетни эр вакъыт къазанмай, амма олар ичюн эр шейнинъ озь вакъты-саати ве къысмети бар.

Ешая 17:11

Сачкъан кунюнде сачкъанларынъ осип, эрте чечеклесин деп, къайгъырдынъ, амма джыймагъа кунь кельгенде, берекет ерине аджджы къаарь ве яхшы олмагъан агъры джыяджакъсынъ.

Хошеа 11:12

Эфраим этрафымны яланнен сарды, Исраиль халкъы алдавнен Мени ортагъа алды. Ехуда исе даа Алланен, о, Азиз Аллагъа даа садыкъ.

Хошеа 4:2

Адамлар къаргъайлар, ялан айталар, башкъаларны ольдюрелер, хырсызлайлар ве ороспулыкъ япалар. Къан эр ерде тёкюле.

Хошеа 4:8

Халкъым гуналары ичюн къурбанларыны кетиргенде, олар ашайлар. Халкъ даа чокъ къабаатларны къазангъанда, олар джан-юректен къувана.

Хошеа 7:3

Олар яманлыкъларынен – падишаны къувандыра, яланларынен – башлыкъларыны шенълендире.

Хошеа 8:7

Олар ельни сачкъаны ичюн, боранны джыяр. Оларнынъ урлукълары берекет бермейджек, богъдай унны бермез. Унны берсе биле, чет адамлар оны ашап битирир.

1 Падишалар 24:14

Къадимий айтымда айтылгъандыр: «Яман адамлар яманлыкъ япалар». Мен исе санъа тиймем.