Хавакъкъукъ 3:7 - Мукъаддес Китап

⁷ Хушан чадырлары гъамлы алда олгъаныны корьдим, Мидьян топрагъындаки чадыр перделери къоркъудан титреди.

Хавакъкъукъ 3:7 ပူးပေါင်းရင်းမြစ်များ

Чыкъыш 2:15

Бу иш акъкъында фыравун эшитти ве Мусаны ольдюрмеге истеди. Амма Муса, фыравундан къачып, Мидьян топрагъына яшамакъ ичюн кетти. Анда келип, бир къую янында отурды.

Йирмея 49:29

Чадырларынен къой-эчкилери тутуладжакъ, чадыр перделери, савут-сабалары ве девелери алынаджакъ; оларгъа: «Орталыкъны къоркъу къаплады!» – деп къычыраджакълар.

Нун огълу Ехошуа 2:10

– Сиз Мысырдан чыкъкъанда, РАББИ сизинъ огюнъизде Къызыл денъизнинъ сувларыны къуруткъаныны ве сиз Иорданнынъ башкъа тарафындаки Сихонны ве Огны, бу эки аморлы падишаларны ольдюрип, ёкъ эткенинъизни эшиттик.

Нун огълу Ехошуа 9:24

Олар Ехошуагъа бойле джевап къайтардылар: – Алланъ олгъан РАББИ къулу Мусагъа: «Исраиллилерге бутюн топракъны бер ве бу топракънынъ эписи сакинлерини ольдюр», – буюргъаны бизге, къулларынъа белли олды. Шунынъ ичюн, бизни ольдюрирсинъиз, деп отюмиз патлады, ве биз буны яптыкъ.

Къадылар 8:12

Зевах ве Цалмунна къачып кеттилер. Гидон оларнынъ пешинден къувалап, эки мидьян падишасыны, эм Зевах, эм Цалмуннаны якъалады ве оларнынъ бутюн ордусыны шашырды.