Хавакъкъукъ 3:16 - Мукъаддес Китап

¹⁶ Сени эшитип, юрегим титреди, дудагъым къалтырап, кемиклерим агъырды. Аягъым тюбюнде ер саллангъандай олды. Амма меним халкъыма уджюм эткен душманнынъ башына тюшеджек беля кунюни сабырнен беклейджегим.

Хавакъкъукъ 3:16 ပူးပေါင်းရင်းမြစ်များ

Эюп акъкъында китап 30:17

Геджелери кемиклерим сызлай, токътамагъан агърылар раатлыкъ бермей.

Эюп акъкъында китап 30:30

Терим къарарды, кемиклерим сыджакътан янды.

Зебур 91:15

Олар къартайгъанда да, чокъ мейва берерлер, тазе ве ешиль олурлар,

Икметли сёзлер 12:4

Яхшы апай – акъайынынъ башына тадждыр, масхаралыкъ кетирген апай исе – кемик чюрюги киби.

Икметли сёзлер 14:30

Джан раатлыгъы – беден сагълыгъыдыр, пахыллыкъ исе – кемиклернинъ чюрюклигидир.

Ешая 21:3

Шунынъ ичюн белимни аджджы агъры тутты, дерди туткъан къадын киби, дерттен чекишем. Эшиткенимден мен пек кедерлендим, корьгенимден пек къасеветлендим.

Йирмея 23:9

Пейгъамберлер акъкъында. Юрегим ичимде сызлай, кемиклерим титрей. РАББИнинъ огюнде, Онынъ азиз сёзлери ичюн, мен сархош киби олдым, башыны шарап айландыргъан адамгъа чевирильдим.

Йирмея 30:7

Ах, беля! О кунь буюктир! Онъа ошагъан кунь ёкъ! Якъуп ичюн бу сыкъынты заман! Амма о, ондан къуртуладжакъ!

Йирмея 4:19

Ах, ичим-багърым, ичим-багърым! Юрегим яна, юрегим сызлай, сусып оламайым! Джаным боразан сесини, дженк давушларыны эшите!

Йирмея 5:15

Бакъынъыз, Исраиль халкъы! Узакътан сизге къаршы бир халкъны, кучьлю, къадимий бир халкъны кетиреджегим, – дей РАББИ. – Сиз оларнынъ тилини бильмезсиз, не дегенлерини анъламазсыз.

Агълав йырлары 1:13

Кемиклериме атешни юксекликтен ёллады, бутюн беденимни къаплады; аякъларыма къапкъан къойды, мени къачмагъа меджбур этти; мени бакъымсыз этти, эр бир кунь хаста олам.

Агълав йырлары 1:20

Бакъ, я РАББИ, мен ярамайым; ичим-багърым тарсыкъа, юрегим яна; инатлыкънен Санъа къаршы чыкътым, шимди исе тышарыда къылыч балаларны кесе, эвимде олюм мени беклей.

Ехезкель 3:14

Ель мени юкъарыгъа котерип, алып кетти. Мен къасевет ве ачувнен кеттим. РАББИнинъ кучьлю къолу устюмде эди.

Даниял 10:8

Мен янъгъыз къалдым ве бу аджайип шейни корьдим. Мен такъаттан кесильдим, чырайым ап-акъ кесильди, менде кучь къалмады.

Даниял 10:9

Сонъ мен шу адамнынъ сесини эшиттим. Оны эшиткенде, мен сезгисиз къалдым ве, бетимнен ерге тюшип, бойле алда яттым.

Даниял 8:27

Мен, Даниял, такъаттан тюшип, бир къач кунь хаста яттым. Сонъра турып, падишанынъ ишлеринен огъраштым. Бу руя мени пек раатсызлады, мен оны анълап оламай эдим.

Хавакъкъукъ 3:2

Я РАББИ! Сенинъ ишлеринъ акъкъында эшиттим ве къоркътым! Я РАББИ! Бизим куньлеримизде Сенинъ ишлеринъни яп, олар бизим куньлеримизде корюнсинлер! Амма гъазабынъда мераметни акъылда тут.

Лука 21:19

Сабырлы олсанъыз, озь джанынъызны къуртараджакъсыз, – деди.