Хавакъкъукъ 2:16 - Мукъаддес Китап

¹⁶ Урьмет ерине утанч аладжакъсынъ. Энди сен де ич, озь сюннет этильмеген аврет ерлеринъни корьсет. РАББИнинъ онъ къолундаки гъазап къадеси санъа якъынлашаджакъ, масхаралыкъ сенинъ урьметинъни къаплайджакъ.

Хавакъкъукъ 2:16 ပူးပေါင်းရင်းမြစ်များ

Зебур 75:8

Сен къоркъунчлысынъ, гъазабынъ кельгенде, къаршынъда ким тура билир?

Икметли сёзлер 3:35

Икмет саиплери мирас оларакъ шурет аладжакълар, акъылсызлар исе – масхаралыкъ.

Ешая 20:4

Ашшур падишасы мысырлыларны ве хушлуларны сюргюн эткенде, олар ойле де оладжакъ. Яшы-къарты чыплакъ ве ялынаякъ, аврет ерлерини ачып, кетеджеклер. Мысырлылар ичюн бу буюк масхаралыкъ оладжакъ.

Ешая 47:3

Чыплакълыгъынъ ачыладжакъ, аврет еринъ де корюнеджек. Очюмни аладжагъым, кимсени аджымайджагъым.

Ешая 49:26

Сени чекиштиргенлерге озь этлерини ашатаджагъым, тазе шараптан киби, озь къанларындан сархош оладжакълар. О заман эр бир джан биледжек ки, Мен – РАББИ, сенинъ Къуртарыджынъ, сени сатын алгъан Батыр, Якъупнынъ Алласыдырым.

Йирмея 25:15

РАББИ, Исраильнинъ Алласы манъа бойле деди: – Элимден хышым шарабына толу савутны ал да, Мен сени ёллайджакъ эписи халкъларгъа ичир.

Йирмея 25:17

Мен РАББИнинъ элинден савутны алып, РАББИ мени ёллагъан эписи халкъларны ичирдим.

Йирмея 51:57

Вавилоннынъ башлыкъларыны, акъыллы адамларыны, виляет башлыкъларыны, акимлерини ве аскерлерини сархош этерим де, эбедий юкъугъа даладжакълар ве бир даа уянмайджакълар, – дей Падиша, Онынъ Ады – Ордулар РАББИсидир!

Йирмея 51:7

Вавилон РАББИнинъ элинде алтын савут киби эди; о, бутюн ер юзюни сархошлатты. Халкълар ондан шарап ичип, акъылындан айырылдылар.

Агълав йырлары 4:21

Уц топрагъында яшагъан Эдом къызы, шенълен ве къуван! Санъа да къаде келеджек, сархошланып, союнаджакъсынъ.

Ехезкель 23:33

Сен сархош оладжакъсынъ, гъамгъа тояджакъсынъ. Бу къаде къоркъугъа ве олюмге толу, о – татанъ Самариенинъ къадесидир.

Хошеа 4:7

Руханийлер чокълашкъан сайын, Манъа къаршы гуналары да арта. Мен оларнынъ шуретини масхаралыкъкъа чевиреджегим.

Хошеа 7:5

Падишанынъ байрамларында башлыкълар шараптан хасталана. Падиша исе макътанчакъларнен анълаша.

Хавакъкъукъ 2:10

Сен чокъ халкъларны ёкъ этип, бунынънен эвинъни масхара эттинъ, озь джанынъа къаршы гуна яптынъ.

Хавакъкъукъ 2:15

Сен якъынынъа шарап бересинъ, озь ачувынъа къошасынъ, аврет ерлерини корьмек ичюн, оны сархош япасынъ! Сенинъ алынъ фена!

Филиплердекилерге 3:19

Оларнынъ сонъу – олюм, оларнынъ алласы – ашкъазан, олар масхара шейлернен макътаналар, ердеки шейлер акъкъында тюшюнелер.

Сырларнынъ ачылувы 18:6

Вавилон сизге насыл япкъан олса, сиз де онъа ойле япынъыз! Япкъан ишлерине коре онъа эки кере зияде къайтарынъыз! О, озь къадесинде сизге шарап азырлады, сизлер исе онъа айны шу къадеде эки кере чокъ шарап азырланъыз!