Хавакъкъукъ 1:9 - Мукъаддес Китап

⁹ Оларнынъ эписи зорбалыкъ япмакъ ичюн келе, оларнынъ ордулары шаркъий ель киби огге кече ве къумдан чокъча эсирлер ала.

Хавакъкъукъ 1:9 ပူးပေါင်းရင်းမြစ်များ

Башланув 41:49

Юсуф денъиз къуму дайын пек чокъ захире топлады. Тап саймакъны да токътатты, чюнки саймакънынъ чареси ёкъ эди.

4 Падишалар 12:17

О заманларда Арамнынъ падишасы Хазаэл Гъат шеэрине уджюм этип, оны запт этти. Бундан сонъ Хазаэл Ерусалимге къаршы чыкъмагъа ниет этти.

Эюп акъкъында китап 29:18

«Озь эвимде олерим, – деп тюшюне эдим. – Куньлерим къум данелери дайын чокъ олур.

Ешая 27:8

Исраильни ольчюнен джезалап, оларны сюргюн эттинъ. Куньдогъуш ели уфюргени киби, оны кучьлю нефесинънен котерип аттынъ.

Йирмея 15:8

Тул къадынлары денъиз къумундан чокъ олды, уйле вакътында йигитлернинъ аналарына къаршы гъайып этиджини ёлладым, къоркъу ве дешет оларны апансыздан къаплады.

Йирмея 25:9

Мен эписи шималь халкъларыны чагъырып, топлайджагъым ве къулума, Вавилон падишасы Невукъаднеццаргъа ёллайджагъым, оларны бу мемлекетке, анда яшагъанларгъа, чевресиндеки бутюн халкъларгъа къаршы алып кетиреджегим ве оларны ёкъ этеджегим. Оларны къоркъунчлы шей этип, масхара этеджегим, ве олар эбедиен харап оладжакълар, – дей РАББИ.

Йирмея 34:22

Бакъынъыз! Меним истегиме коре, – дей РАББИ, – олар мында, бу шеэрге къайтаджакълар. Олар бу шеэрге уджюм этип, оны запт этеджеклер ве якъаджакълар. Ехуданынъ шеэрлерини бакъымсыз ве адамсыз этеджегим.

Йирмея 4:11

О заман бу халкъкъа ве Ерусалимге айтыладжакъ: – Сахрадаки бош тёпеликлерден халкъымнынъ къызына сыджакъ ель уфюреджек, амма онен арманда савурмакъ, кепекни айырмакъ мумкюн дегиль,

Йирмея 4:7

Арслан ормандан еринден чыкъа, халкъларны харап этмеге келе, мемлекетинъизни бош ве бакъымсыз этмек ичюн, озь еринден чыкъа. Шеэрлеринъ йыкъыладжакъ, адамсыз къаладжакъ.

Ехезкель 17:10

Яхшы тамыр аткъан олса да, яшап-осип олурмы? Куньдогъуш тарафындан ель келип, онъа эскенде, о, къурур. Оськен еринде къуруп къалыр.

Ехезкель 19:12

Амма оны ачувнен ерден чекип чыкъардылар, ерге аттылар. Куньдогъуш ели мейвасыны къурутты. Къавий даллары узюльди ве къуруды, атешке аш олдылар.

Даниял 11:17

Падишалыгъынынъ бутюн кучюни топлап, шималь падишасы дженюп падишасынынъ огюне бармагъа ниетленеджек ве онен бирлешеджек. Шималь падишасы озь къызыны онъа акъайгъа береджек ве падишалыгъыны бозмагъа ниетленеджек. Лякин истегени ерине кельмейджек, бундан бир шей чыкъмайджакъ.

Хошеа 1:10

Амма исраиллилер, денъиз къуму киби, чокъ оладжакъ. Оларны ич кимсе ольчемез, ич кимсе саймаз. «Сиз Алланынъ халкъы дегильсинъиз», – деген ерде оларгъа: «Сиз Тири Алланынъ огъулларысынъыз», – дейджеклер.

Хошеа 13:15

Агъа-къардашлары арасында Эфраим бол къысметли олса да, шаркътан къуру рузгяр келеджек, сахрадан эскен РАББИнинъ ели котериледжек, онынъ чокъракълары къуруйджакъ, чешмелерининъ суву битеджек. Оларнынъ къыйметли шейлернинъ бутюн хазинеси тартып алынаджакъ ве бошатыладжакъ.

Хавакъкъукъ 1:17

Не вакъыткъадже олар агъларыны толдураджакъ ве бошатаджакълар, не вакъыткъадже токътамайып, халкъларны аджымайып ольдюреджеклер?

Хавакъкъукъ 1:6

Мен шимди къасдийлилерни котереджегим. Бу халкъ – мераметсиз ве фикирсиз, олар ер юзюнде долашалар, озьлерининъ олмагъан топракъларны тартып алалар.

Римлилерге 9:27

Ешая да Исраиль акъкъында бойле къычырып дей: Исраиль огъулларынынъ сайысы денъиз къуму къадар олса да, къуртулыш пек азы тападжакъ.

Къадылар 7:12

Мидьянлылар, амалеклилер ве шаркъий къабилелер вадийде ерлешкен эдилер. Оларнынъ сайысы сарынчкъа киби чокъ эди. Оларнынъ денъиз къуму киби сайысыз деве сюрюлери бар эди.