Хавакъкъукъ 1:15 - Мукъаддес Китап

¹⁵ Душман оларны къармакънен тута, сачмаларнен сувдан чыкъара, балыкъ агъларынен авлай, бу себептен де къувана ве севине.

Хавакъкъукъ 1:15 ပူးပေါင်းရင်းမြစ်များ

Ешая 19:8

Балыкъчылар агълайджакъ, дерьягъа къармакъ ташлагъанлар эписи окюр-окюр агълайджакъ, сувда агъ къойгъанлар рухтан тюшеджеклер.

Йирмея 16:16

– Энди оларны тутмагъа чокътан-чокъ балыкъчыларны ёллайым, – дей РАББИ. – Сонъ чокътан-чокъ авджыларны ёлларым да, оларны эр дагъдан, эр байырдан, эр къаянынъ чатлакъларындан къуваларлар.

Йирмея 5:26

Халкъымнынъ арасында яман адамлар бар. Къуш тутмакъ ичюн ерде яткъанлар киби, къапкъан къоялар, адамларны туталар.

Йирмея 50:11

Сизлер шенъленип, къувана эдинъиз, Меним топрагъымны харап эттинъиз. Таналар киби, отлакъ устюнде къуванчнен секире эдинъиз, дженк атлары дайын, кишней эдинъиз.

Ехезкель 25:6

РАББИ-ТААЛЯ шойле дей: Сен, Аммон, Исраиль топрагъынынъ белясыны корьгенде, нефретленип пек къуванасынъ, эль чырпасынъ ве аякъларынъны ерге урасынъ.

Ехезкель 26:2

– Инсан огълу! Тир шеэри Ерусалим акъкъында бойле дей: «Аха-а! Чокъ халкълар кечип кеткен къапулар бозулгъан! Шимди эписи манъа догъру келеджек! Энди мен бай олурым, о исе харап къаладжакъ!»

Ехезкель 35:15

Исраиль халкъынынъ топракъ пайы бакъымсыз ерлерге чевирильгенде, сен пек къувандынъ. Шунынъ ичюн Мен санъа ойле де япаджагъым. Эй, Сеир дагъы ве бутюн Эдом! Сен бакъымсыз оладжакъсынъ. О заман адамлар Мен – РАББИ олгъанымны билирлер.

Амос 4:2

РАББИ-ТААЛЯ азизлигинен ант этип бойле деди: – Шимди ойле куньлер келир ки, сизлерни ыргъакъларнен, къалгъанларыны да къармакъларнен алып кетеджеклер.

Хавакъкъукъ 1:14

Не ичюн адамларны денъиздеки балыкълар киби эттинъ, сюйрелип юрген махлюкълар киби ёлбашчысыз къалдырдынъ?

Хавакъкъукъ 2:5

Керчектен де, къопай адам – алдаткъан шараптыр. О, тынчланмаз, онынъ джаны о бир дюнья киби къызгъанч, олюм киби тоймаз. Эписи миллетлерни озюне топлай ве эписи халкъларны запт эте.

Матта 13:19

Алланынъ Падишалыгъы акъкъында сёзни эшиткен, амма оны анъламагъан эр бир адамгъа яман Шейтан келип, онынъ юрегинде сачылгъан сёзни-урлукъларны хырсызлап кете. Бойле адамлар тюшкен урлукъны алгъан ёл кенарындаки топракъкъа ошайлар.

Матта 17:27

– Амма салым топлайыджыларнынъ джаныны агъыртмамакъ ичюн, сен гольге барып балыкъ къармагъы ташла. Биринджи тутулгъан балыкъны алып, агъзыны ачсанъ, бир акъча тапарсынъ. Акъчаны алып, экимиз ичюн оларгъа салым бер, – деди Иса.

Сырларнынъ ачылувы 11:10

Ер юзюнде яшагъанлар бунъа севинип шенъленеджеклер ве бири-бирине бахшышлар ёллайджакълар, чюнки бу эки пейгъамбер ер юзюнде яшагъанларгъа чокъ азап берген эдилер.