Хавакъкъукъ 1:13 - Мукъаддес Китап

¹³ Сенинъ саф козьлеринъ яманлыкъкъа бакъып оламаз, Сен акъсызлыкъкъа даянып оламайсынъ. Айса не ичюн имансызларгъа бакъып отурасынъ? Ярамазлар инсафлыларны ёкъ эткенде, не ичюн индемейсинъ?

Хавакъкъукъ 1:13 ပူးပေါင်းရင်းမြစ်များ

2 Падишалар 4:11

Сиз, хиянетлер, шимди къабаатсыз адамны озь эвинде тёшегинде ольдюрдинъиз! Онынъ къабаатсыз къаныны тёккенинъиз ичюн сизден акъкъыны сорамам ве сизни ер юзюнден ёкъ этмем деп беллединъизми я?

3 Падишалар 2:32

– О, эки инсафлы ве ондан яхшы олгъан акъайларгъа уджюм эткен ве, Давут бабамнынъ хабери олмайып, Исраиль орду башлыгъы Нер огълу Авнерни ве Ехуда орду башлыгъы Етер огълу Амасаны къылычнен ольдюргени ичюн, РАББИ онынъ къаныны озюне чевирсин.

Эстер 4:14

Эгер сен шимди агъзынъны ачмасанъ, ярдым ве къуртулыш ехудалыларгъа башкъа ерден келир. Сен ве бабанънынъ сою исе гъайып оладжакъсынъыз. Ким бильсин, бельки сен тамам бойле вакъыт ичюн къыраличе олдынъ?»

Эюп акъкъында китап 15:15

Бакъ, Алла азиз мелеклерине биле ишанмаз, коклер де Онынъ козюнде айдын дегиль.

Эюп акъкъында китап 21:7

Яман адамлар не ичюн яшай берелер? Омюрлери узакъ олып, кучьлери де арта.

Эюп акъкъында китап 24:23

Алла оларгъа аманлыкъ берер, ве олар онъа таянырлар, лякин Онынъ козю олар туткъан ёлдадыр.

Зебур 25:3

Сенинъ севгинъ меним козюм огюнде, Мен Сенинъ акъикъатынънен эр вакъыт юрдим.

Зебур 50:21

О вакъыт темиз къурбанларны, атеште якъылгъан, бутюнлей якъылгъан къурбанларны Сен къабул этеджексинъ. О вакъыт Сенинъ къурбан еринъе таналарны кетирип къояджакълар.

Зебур 50:3

Эй, Алла, Сенинъ буюк севгинъ ичюн манъа мерамет эт! Сынъырсыз шефкъатынъ ичюн къанунсыз ишлеримни менден узакълаштыр!

Зебур 73:3

Асырларнен тургъан йыкътырмагъа бакъып, адым ат: душман Азиз Ерде эр шейни харап этти.

Зебур 83:1

Баш чалгъыджы ичюн. Аль-хаггиттит. Къорах огъулларынынъ зебуры.

Ешая 21:2

Къоркъунчлы бир шейни корьдим: адамлар бири-бирине хаинлик этелер, душманлар орталыкъны урып йыкъалар. «Эй, Элам, кель мында! Эй, Мадай, шеэрни алкъагъа ал! Бутюн ич чеккенлерини токътатаджагъым».

Ешая 24:16

Дюньянынъ четинден тюркюни эшитемиз: «Догъру Олгъангъа шан-шурет!» Амма мен: «Ах, башыма беля, башыма беля! Вай-вай-вай! Имансызлар имансыз ишлер япалар! Имансызлыкъ эткенлер имансыз ишлер этелер!» – дедим.

Ешая 33:1

Вай-вай-вай! Сен башкъаларны йыкъып ёкъ эте эдинъ, сени исе бир кимсе йыкъмады. Башкъаларны алдата эдинъ, сени исе бир кимсе алдатмады. Йыкъып битиргенинъден сонъ, сени де йыкъаджакълар, алдатып битиргенинъден сонъ, сени де алдатаджакълар.

Ешая 64:12

Я РАББИ! Бундан сонъ да Озюнъни тутаджакъсынъмы, индемейип, бизни къарардан зияде къыйнайджакъсынъмы?

Агълав йырлары 3:36

адамнынъ давасыны янълыш чезгенлерде, Рабби буны корьмезми, аджеба?!

Хавакъкъукъ 1:14

Не ичюн адамларны денъиздеки балыкълар киби эттинъ, сюйрелип юрген махлюкълар киби ёлбашчысыз къалдырдынъ?

Зекерья 8:17

юреклеринъизде якъынынъызгъа къаршы биринъиз яманлыкъ япмагъа тюшюнменъиз, ант эткенде ялан айтмагъа ынтылманъыз; бунынъ эписинден Меним юрегим къайта, – дей РАББИ.

Фаалиет 2:23

Алла эвельден къарар чыкъаргъаны ве эвельден бильгени киби, Иса сатылгъан эди, ве сиз адалетсиз адамларнынъ къолунен Оны хачкъа мыхлап ольдюрдинъиз.

Къануннынъ текрары 23:15

Эфендисинден санъа къачып кельген къулны эфендисине къайтарма.