Хагъгъай 2:16 - Мукъаддес Китап

¹⁶ Ойле ола эди ки, ашлыкъ обасындан 20 ольчю ерине тек он ольчюни ала эдилер, юзюм басылгъан ерден 50 ольчю шарап ерине тек 20 ольчюни ала эдилер.

Хагъгъай 2:16 ပူးပေါင်းရင်းမြစ်များ

Ешая 5:10

Буюк юзюмлик бир буюк къопкъа шарап береджек, беш чувал сачылгъан богъдай зорнен ярым чувал берекет береджек.

Йирмея 48:33

Моавнынъ багъчасындан ве топрагъындан къуванч ве шенълик алынды. Юзюм сыкъкъан ерлерни шарапсыз къалдырдым; кимсе къуванчнен къычырмайып, юзюм басмай. Адамлар къычыралар, амма къуванчнен дегиль.

Хагъгъай 1:6

Сиз чокъ сачтынъыз, амма аз берекет алдынъыз. Ашайсынъыз, амма тоймайсыз. Ичесиз, амма даа ичмеге истейсиз. Кийинесинъиз, амма къызынмайсынъыз. Пара къазанасынъыз, лякин оны тешик кисеге къоясынъыз.

Хагъгъай 2:15

– Шимди эвельки заманны, бу куньгедже не олгъаныны акъылгъа кетиринъиз. РАББИнинъ Сарайында даа таш устюне таш къоюлмагъан вакъыт акъкъында тюшюнинъиз.

Хагъгъай 2:17

Мен сизге къурутыджы ельни, ашлыкъларынъызгъа куфни, къолларынъызнынъ ишлерине бурчакъны ёлладым. Амма сиз Манъа къайтмай эдинъиз, – дей РАББИ.

Малакий 2:2

Эгер сиз Мени динълемесенъиз ве Адымны джан-юректен шуретлемесенъиз, – дей Ордуларнынъ РАББИси, – башынъызгъа къаргъыш ягъдыраджагъым, хайыр дуваларынъызны къаргъышларгъа чевиреджегим. Оларны энди къаргъышкъа чевирдим, чюнки джан-юректен Мени шуретлемеге истемейсинъиз.