Къануннынъ текрары 8:5 - Мукъаддес Китап

⁵ Юрегинъизде тутунъыз: адам огълуны догъру ёлгъа къойгъаны киби, Алланъ олгъан РАББИ де сизни догъру ёлгъа къоя.

Къануннынъ текрары 8:5 ပူးပေါင်းရင်းမြစ်များ

Сырларнынъ ачылувы 3:19

Мен кимни севсем, оны сёгем ве джезалайым. Шунынъ ичюн гъайретли ол ве тёвбе эт.

Икметли сёзлер 3:12

Баба севимли огълуны джезалагъаны киби, РАББИ де кимни севе, оны да джезалай.

2 Падишалар 7:14

Мен онынъ бабасы олурым, ве о – Меним огълум олур. Эгер о гуна япса, Мен оны инсанларнынъ къамчыларынен ве котеклеринен джезаларым.

1 Коринтлилерге 11:32

Бизни дюньянен берабер суд этмесин деп, Рабби бизни шимди суд этип, бизге джезамызны бере.

Ехезкель 18:28

Озюнинъ япкъан эписи акъсызлыкъларыны корип, олардан вазгечсе, о, шубесиз, яшайджакъ. О киши ольмейджек.

Къануннынъ текрары 4:9

Амма козь-къулакъ олып, буны акъылларынъызда яхшы тутунъыз! Козьлеринъизнен корьген ишлерни унутманъыз, олар омюрбилля юреклеринъизден чыкъып кетмесинлер. Бу ишлер акъкъында огъулларынъызгъа ве торунларынъызгъа икяе этинъиз.

Ехезкель 12:3

Шунынъ ичюн сен, инсан огълу, сюргюнликке кетмеге азырлап, шейлеринъни топла да, куньдюз оларнынъ козю огюнде ёлгъа чыкъ. Шимди булунгъан еринъден башкъа бир ерге сюргюнликке кет. Олар сени корьсюн ве бельки, инат халкъ олса да, эписини анъларлар.

Къануннынъ текрары 4:23

Сакъынынъыз, Алланъыз олгъан РАББИнинъ сизге берген васиетини унутманъыз, О сизге эмир эткени киби, озюнъизге ич бир шекильге ошагъан путны япманъыз.

Ешая 1:3

Огюз сабысыны, эшек эфендисининъ отлугъыны таный, Исраиль исе Мени танымай, халкъым Мени анъламай!

Къануннынъ текрары 4:36

Сизни огретмек ичюн, О коклерден сизге Озюнинъ сесини эшитмеге чаресини берди, ер юзюнде Озюнинъ буюк атешини косьтерди, ве сиз Онынъ сёзлерини атеш ичинден эшиттинъиз.

Къануннынъ текрары 8:6

Бойлеликнен, Алланъ олгъан РАББИден къоркъып ве Онынъ ёлундан юрип, эмирлерини беджеринъиз.

Икметли сёзлер 13:24

Таякъны аджыгъан адам огълундан нефрет эте, огълуны севген исе оны гъайретнен тербиелей.

Джемаат башы 7:14

Яхшы куньлеринъде бахтлы ол, яман куньлеринъде исе буны тюшюн: эм яхшы, эм яман куньлерни Алла яраткъан, адам онынъ артындан не оладжагъыны бильмез.

Къануннынъ текрары 1:31

Баба огълуны къолда ташыгъаны киби, Алланъыз олгъан РАББИ сизни бу сахрада бутюн ёл бою, бу ергедже кельмезден эвель, ташый эди, ве сиз шуны корьдинъиз», – дедим.

Икметли сёзлер 3:11

Огълум, РАББИнинъ огютини ред этме ве опькесинден нефретленме.