Къануннынъ текрары 5:9 - Мукъаддес Китап

⁹ Оларгъа табынма ве хызмет этме. Мен – Алланъ олгъан РАББИм, куньджю Алладырым. Эгер насылдыр бир адам Мени ред этип, гуна къазанса, Мен онынъ балаларыны, торунларыны ве торунларынынъ огъулларыны джезалайджагъым.

Къануннынъ текрары 5:9 ပူးပေါင်းရင်းမြစ်များ

4 Падишалар 17:35

РАББИ исе оларгъа васиет бергенинен: «Ят аллаларгъа табынманъыз, оларгъа тиз чёкменъиз, хызмет этменъиз ве оларгъа къурбанлар чалманъыз.

Чыкъыш 34:14

РАББИден гъайры, башкъа аллагъа табынманъыз, чюнки Онынъ Ады – «Куньджю»! О – Куньджю Алла!

Чыкъыш 34:7

О, бинълердже несиллерге мераметини эйлей, къабаатны, джинаетни, гунаны багъышлай, лякин джезасыз къалдырмай, бабаларнынъ къабааты ичюн балаларындан ве торунларындан учюнджи ве дёртюнджи несилине къадар сорай.

Йирмея 32:18

Сен бинълер адамларгъа мерамет эйлейсинъ, бабаларнынъ къабаатлары ичюн балаларыны джезалайсынъ. Буюк ве кучьлю Алла! Сенинъ Адынъ – Ордуларнынъ РАББИсидир!

Сайылар 14:18

«РАББИ тез ачувланмагъан ве пек мераметлидир. О, къабаатларны ве джинаетлерни багъышлай. Лякин О, джезасыз къалдырмай, бабаларнынъ къабааты ичюн балаларындан ве торунларындан учюнджи ве дёртюнджи несилине къадар сорай».

Къануннынъ текрары 4:16

Шунынъ ичюн бозулманъыз ве озюнъизге ич бир пут япманъыз. Ич бир шекильге ошагъан путны, акъай я да апай бичимли путны япманъыз.

Къануннынъ текрары 4:24

Алланъыз олгъан РАББИ – эписини якъып ёкъ эткен атештир. О – куньджю Алладыр.

Къануннынъ текрары 6:15

Аранъыздаки Алланъ олгъан РАББИ – куньджю Алладыр. Бакъ, Алланъ олгъан РАББИнинъ гъазабы санъа къаршы къызып, сени ер юзюнден ёкъ этмесин.

Къануннынъ текрары 7:10

Эгер адам Алланы саймаса исе, Алла оны ачыкъ-айдын джезалар ве ёкъ этер. Алла беклемез, Оны саймагъан адамны О, тез джезалайджакъ.