Къануннынъ текрары 4:5 - Мукъаддес Китап

⁵ Аллам олгъан РАББИ манъа эмир эткени киби, мен сизлерни низамнамелер ве къарарларгъа огреттим. Сизлер саип олмакъ ичюн кирген топрагъынъызда оларны тутмагъа борджлусынъыз.

Къануннынъ текрары 4:5 ပူးပေါင်းရင်းမြစ်များ

Зебур 71:17

Онынъ Ады эбедиен яшасын, кунеш тургъандже Ады турсун. Къабилелер О аркъалы яхшылыкъ кореджеклер, бутюн халкълар Онъа «бахтлы» дейджеклер.

Чыкъыш 18:20

оларгъа Алланынъ низамнамелерини ве къанунларыны, насыл яшамакъ ве насыл ишлер япмакъны огрет.

Йирмея 11:6

РАББИ манъа: – Ехуда шеэрлеринде, Ерусалимнинъ сокъакъларында бутюн бу сёзлеримни илян эт, – деди. – Бойле айт: Бу васиетнинъ сёзлерини динъленъиз ве оларны беджеринъиз.

Ехезкель 20:11

оларгъа низамнамелеримни бердим, къарарларымны бильдирдим. Оларны беджерип, инсан оларнынъ ярдымынен яшайджакътыр.

Левийлилер 19:19

Низамнамелеримни беджеринъиз. Чешит сой олгъан айванларны чифтлештирменъиз. Тарланъызгъа эки тюрлю урлукъ сачманъыз. Эки тюрлю йиптен, юнь ве кетенден токъулгъан урба кийменъиз.

Левийлилер 26:46

Синай дагъында РАББИ Мусагъа бойле низамнамелерни, къарарларны ве къанунларны бильдирди, шуларны Озюнен Исраиль огъуллары арасында къойды.

Левийлилер 27:34

Синай дагъында Исраиль огъуллары ичюн Мусагъа буюргъан РАББИнинъ эмирлери будыр.

Левийлилер 7:38

РАББИ оны Мусагъа Синай дагъында буюрды. О куню Синай сахрасында о, Исраиль огъулларына РАББИге бахшышлар кетирмеге эмир этти.

Фаалиет 20:27

Мен сизлерге Алланынъ истегенини бутюнлей бильдирдим.

1 Коринтлилерге 11:28

Шунынъ ичюн адам озь-озюни сынасын, ондан сонъ отьмектен ашасын ве къадеден ичсин.

1 Коринтлилерге 15:3

Биринджиден мен къабул эткен хаберимни сизлерге айттым: Языда язылгъаны киби, Месих бизим гуналарымыз ичюн ольди,

Къануннынъ текрары 11:32

Мен сизге бугунь буюргъан эписи низамнамелерни ве къарарларны мытлакъа тутунъыз.

Къануннынъ текрары 4:1

Шимди, Исраиль, мен сизге огретеджек низамнамелер ве къарарларны динъле. Оларны тутсанъыз, чокъ яшайджакъсыз, топракъкъа киреджексиз ве онынъ саиплери оладжакъсыз. Баба-деделеринъизнинъ Алласы олгъан РАББИ бу топракъны сизге бере.

Къануннынъ текрары 4:2

Сизге эмир эткенлериме бир шей къошманъыз, бир шейни де эксильтменъиз. Лякин мен сизге буюргъан, Алланъыз олгъан РАББИнинъ эмирлерини тутунъыз.

Къануннынъ текрары 4:4

Сизлер исе, Алланъыз олгъан РАББИге ишанчлы къалып, бугунь де эпинъиз сагъ-селяметсинъиз.

Къануннынъ текрары 4:40

Мен бугунь сизге буюргъан Онынъ низамнамелерини ве эмирлерини тутунъыз. Сонъ сизге ве эвлятларынъызгъа яхшы оладжакъ, ве РАББИ-Таалянъыз сизге эбедиен береджек топракъта чокъ вакъыт яшайджакъсынъыз.

Къануннынъ текрары 5:1

Муса бутюн Исраильни чагъырып: – Исраиль, мен бугунь сизге айтаджакъ низамнамелер ве къарарларны динъленъиз, огренинъиз ве оларны гъайретнен тутунъыз, – деди.

Къануннынъ текрары 6:1

Мына Къанун, низамнамелер ве къарарлар. РАББИ-Таалянъыз шуны сизге огретмеге буюрды. Барып, топракънынъ саиплери олгъан сонъ, анда оны тутмакъ керексинъиз.

Къануннынъ текрары 7:11

Бойлеликнен, мен бугунь санъа беджермеге буюргъан эмирлерни, низамнамелерни ве къарарларны тут.

Къануннынъ текрары 8:11

Сакъын, мен бугунь санъа берген Къанунны, къарарларны ве низамнамелерни тутмайып, Алланъ олгъан РАББИни унутма.

Еудийлерге 3:5

Муса, хызметчи олып, Алланынъ бутюн эвинде ишанчлы эди ве келеджек шейлер акъкъында хабер эте эди.