Къануннынъ текрары 2:9 - Мукъаддес Китап

⁹ РАББИ манъа: «Моавлыларны раатсызлама ве оларнен дженклешме. Мен оларнынъ топрагъындан сизлерге саип олмакъ ичюн бир шей бермем, чюнки Ар шеэрине Мен Лутнынъ эвлятларыны саип этип къойдым», – деди.

Къануннынъ текрары 2:9 ပူးပေါင်းရင်းမြစ်များ

2 Тарих вакъиалары 20:10

Амма шимди мында аммонлылар, моавлылар ве Сеир дагъында яшагъан халкъ кельди. Исраиллилер Мысыр топрагъындан чыкъкъанда, оларнынъ топракъларындан кечмеге Сен ёл бермединъ, шунынъ ичюн олар ёлдан бурулып, оларны ёкъ этмеди.

Зебур 83:8

Оларнынъ кучюне кучь къошулыр, Сионда Алланынъ огюнде олар корюнир!

Ешая 15:1

Моав акъкъында пейгъамберлик: – Ар-Моав шеэри бир геджеде йыкъылды, харап этильди! Кир-Моав шеэри бир геджеде йыкъылды, харап этильди!

Сайылар 21:15

«Шевет-Ар шеэрине баргъан ве Моав сынъырына узангъан вадийлер башлары».

Сайылар 21:28

Хешбондан атеш, Сихоннынъ шеэринден алев чыкъты ве Моавнынъ Ар шеэрини, Арнон тёпеликлерининъ саиплерини якъып ёкъ этти.

Сайылар 22:4

Моавлылар Мидьян акъсакъалларына: – Бу халкъ этрафымыздаки бутюн шейни, бугъа тарладаки отны киби, ашамакъта, – дедилер. О заман моавлыларнынъ падишасы Циппорнынъ огълу Балакъ эди.

Къануннынъ текрары 2:29

Айны шу шейни Сеир топрагъында яшагъан Исавнынъ эвлятлары ве Арда яшагъан моавлылар япты. Сонъ мен Иордан озенинден кечип, Алламыз олгъан РАББИ бизге береджек топракъкъа киреджегим».

Къануннынъ текрары 2:5

Оларнен дженклешменъиз, чюнки Мен оларнынъ топрагъындан сизге аякъ басмагъа биле ер бермем. Сеир дагълы топрагъына Мен Исавнынъ эвлятларыны саип этип къойдым.

Къадылар 11:15

бу сёзлерни айтмагъа эмир этти: «Йифтах бойле айта: Исраиль моавлы ве аммонлыларнынъ топрагъыны тутып алмады.

Къадылар 11:17

Андан исраиллилер Эдом падишасына риджа этип: “Сенинъ топракъларынъдан кечмеге рухсет эт”, – деп эльчилер йибердилер. Амма Эдом падишасы рухсет этмеди. Олар Моав падишасына риджа эттилер, о да рухсет этмеди. Исраиллилер Къадеште къалмагъа меджбур олдылар.

Къадылар 11:18

Сонъ олар Эдом ве Моавны кечмейип, сахрадан кеттилер. Моавнынъ шаркъындан кечип, Арноннынъ артында ордусыны ерлештирдилер. Лякин Моавнынъ сынъырларына кирмедилер. (Арнон исе Моавнынъ сынъыры.)