Къануннынъ текрары 18:4 - Мукъаддес Китап

⁴ Ашлыгъынънынъ биринджи берекетинден, яш шарабынъдан ве зейтюн ягъынъдан бир пайны, сюрюнъден биринджи къыркъкъан юньден бир пайны да оларгъа бермек керексинъ.

Къануннынъ текрары 18:4 ပူးပေါင်းရင်းမြစ်များ

Эюп акъкъында китап 21:20

Белясыны озь козьлеринен корьсюн, Къудретли Алланынъ гъазабыны ичсин.

Чыкъыш 22:29

Ашлыкънынъ биринджи берекетинден, яш шарабынъыздан ве биринджи сыкъылгъан зейтюн ягъынъыздан бахшышларны Манъа кетирмеге кечикменъиз. Биринджи догъгъан огъланларынъызны Манъа беринъиз.

Чыкъыш 23:19

Ернинъ биринджи берекетинден энъ яхшы махсулларыны Алланъ олгъан РАББИнинъ Эвине кетиринъиз. Улакъны анасынынъ сютюнде пиширменъиз.

Левийлилер 23:10

– Исраиль огъулларына бойле айт: Мен сизге береджек топракъкъа кельгенинъизден сонъ, берекет джыйгъанда, берекетинъизнинъ биринджи культесини руханийге беринъиз.

Левийлилер 23:17

Яшагъан ерлеринъизден РАББИге салландырыладжакъ къурбан оларакъ эки отьмек кетиринъиз. Отьмеклер эки чанакъ энъ яхшы богъдай унундан ве экши хамырдан япылсын. Бу – РАББИ ичюн биринджи махсуллар салландырыладжакъ бахшышы олсун.

Римлилерге 8:23

Тек дюнья дегиль, биз озюмиз де ичимизден агълаймыз. Алланынъ биринджи бахшышы олгъан Рухны алгъан олсакъ да, Алла бизни огъуллары киби аладжагъыны ве беденлеримизнинъ къуртулышыны беклеп, ах чекемиз.