Къануннынъ текрары 17:9 - Мукъаддес Китап

⁹ Левийли руханийлерге ве о заман олгъан къадыгъа барып, олардан меселенинъ чезювини сора. Олар санъа меселе акъкъында укюм чыкъараджакълар.

Къануннынъ текрары 17:9 ပူးပေါင်းရင်းမြစ်များ

1 Тарих вакъиалары 26:29

Йицхарнынъ союндан – огълу Кенанья ве огъуллары Сарайдан тыш олгъан ишлерни бакъмакъ ичюн къоюлгъан эдилер. Олар Исраильнинъ реберлери ве къадылары эдилер.

Чыкъыш 18:16

– Оларда насылдыр иш чыкъкъанда, олар манъа келелер. Мен даваларыны чезип, оларгъа Алланынъ низамнамелеринен къанунларыны огретем.

Чыкъыш 22:8

Хырсыз тапылмаса, эв сабысы Алланынъ огюне келип, къомшусынынъ шейлерини хырсызламагъанында емин этсин.

Йирмея 18:18

Олар исе: – Айдынъыз, Йирмеягъа къаршы келишейик, – дедилер. – Къанун руханийлернен къаладжакъ, насиат акъыллы адамлардан кетмейджек, пейгъамберлер хабер этип береджеклер. Келинъиз, оны лафнен урып йыкъайыкъ, айткъанларына къулакъ асмайыкъ.

Ехезкель 44:24

Руханийлер эр бир даваны суд этсинлер, оны Меним къарарларыма коре чезсинлер. Байрамларнен багълы къанунларымны ве низамнамелеримни беджерсинлер, Меним афталыкъ раатлыкъ куньлеримни сакълап тутсунлар.

Хагъгъай 2:11

– Ордуларнынъ РАББИси шойле дей: Руханийлерден къанун акъкъында шуны сора:

Зекерья 3:7

Эгер сен Меним ёлларымдан юрсенъ ве Манъа хызмет этсенъ, адалетнен Эвимни башлыкъ этеджексинъ ве азбарымны къоруйджакъсынъ. Мында тургъанларнынъ арасында юрмеге Мен санъа ёл береджегим.

Зекерья 7:3

ве Ордуларнынъ РАББИси Эвинде хызмет эткен руханийлерден ве пейгъамберлерден: «Чокъ йыллар ичинде япкъаным киби, бешинджи айда да аштан-сувдан вазгечмеге ве агъламагъа бизге керекми?» – деп сорамагъа ёлладылар.

Малакий 2:7

Руханий Ордулар РАББИсининъ хаберджиси олгъаны ичюн, онынъ дудакълары бильгини сакъламакъ керек, адамлар онынъ агъзындан къанун къыдырмакъ кереклер.

Къануннынъ текрары 16:18

Алланъ олгъан РАББИ санъа береджек эписи ерлеринъизде къабилелеринъиз ичюн къадыларны ве реберлерни къой. Олар халкъны адалетли суд этсинлер.

Къануннынъ текрары 17:10

РАББИ сайлайджакъ ерде олар санъа насыл айтсалар, ойле де яп. Мытлакъа оларнынъ огреткенлерининъ эписини беджер.

Къануннынъ текрары 21:5

Сонъ руханийлер олгъан Левийнинъ огъуллары якъынлашсынлар. Алланъ олгъан РАББИ Озюне хызмет этмек, Онынъ Адындан хайыр дувасыны окъумакъ ве эр бир тартышма ве уджюм давасыны чезмек ичюн оларны сайлагъан.

Къануннынъ текрары 25:1

Эгер эки адам арасында дава чыкъса, олар судгъа кетсинлер. Анда къадылар даваларыны чезсинлер ве акълы союны акъласынлар, къабаатлыны исе къабаатласынлар.

Къануннынъ текрары 33:10

Олар Якъупны къарарларына огретирлер, Исраильни – Сенинъ Къанунынъа. Олар огюнъде къокъулы отларны якъарлар, къурбан еринъе айванларны бутюнлей къоярлар.