Къануннынъ текрары 1:7 - Мукъаддес Китап

⁷ Аман турып, ёлгъа чыкъынъыз. Аморлыларнынъ дагълы топрагъына кетинъиз, Аравада, дагъларда ве вадийде, Негевде ве денъиз ялысында, ханаанлыларнынъ топрагъында ве Ливанда, буюк Фират дерьясынадже яшагъан къомшу халкъларгъа барынъыз.

Къануннынъ текрары 1:7 ပူးပေါင်းရင်းမြစ်များ

Башланув 12:9

Сонъра Ибрам тургъан еринден кочип, дженюп тарафындаки Негев деген ерге ёлуны девам эттирди.

2 Падишалар 8:3

Сонъ Давут Реховнынъ огълу Хададезерни – Цова падишасыны – енъди. О заман Хададезер Фират дерьясындаки укюмдарлыгъыны гъайрыдан тиклемеге кете эди.

1 Тарих вакъиалары 18:3

Сонъ Давут Цова падишасы Хададезерни Хаматта енъди. О заман Хададезер Фират дерьясы боюндаки укюмдарлыгъыны пекитмек ичюн кете эди.

1 Тарих вакъиалары 27:29

Шаронлы Шитрай Шаронда отлагъан туварлар ичюн, Адлай огълу Шафат исе вадийлерде отлагъан айванлар ичюн джевапкяр эди.

1 Тарих вакъиалары 5:9

Шаркъта онынъ халкъы Фират дерьясындан кечкен сахранынъ сынъырына къадар узангъан топракъларда яшай эди, чюнки оларнынъ Гилад топракъларында айванлары пек чокъ эди.

Чыкъыш 23:31

Сынъырларынъызны Къызыл денъизден башлап, фелестинлилернинъ денъизинедже ве сахрадан башлап, улу Фират дерьясынадже кечиририм. Бу ернинъ сакинлерини сизге берерим, ве сиз оларны юзюнъиз огюнден къуварсынъыз.

Амос 2:9

Мен оларнынъ огюнде аморлыларны ёкъ эттим. Олар кедр тереги къадар бойлу, эмен къадар кучьлю олсалар да, Мен тёпесинден махсулыны, тюбюнден тамырларыны къуруттым.

Сайылар 10:12

Исраиль огъуллары Синай сахрасындан озь ордуларынен ёлгъа чыкътылар. Булут Паран сахрасында токътады.

Къануннынъ текрары 1:19

Биз Хорев еринден ёлгъа чыкътыкъ, сиз корьген бутюн бу буюк ве къоркъунчлы сахрадан кечип, РАББИ эмир эткени киби, аморлыларнынъ дагълы топракъларына кеттик ве Къадеш-Барнеа шеэрине кельдик.

Къануннынъ текрары 11:11

Лякин сиз мульк оларакъ аладжакъ топракъта дагълар ве вадийлер бар. О – кок ягъмурынен суварылгъан топракътыр.

Къануннынъ текрары 11:24

Аягъынъыз басаджакъ эр ер сизинъ олур. Сахра ве Ливан, Фират дерьясы ве Акъ денъиз топрагъынъызнынъ сынъырлары олурлар.

Нун огълу Ехошуа 1:4

Сизинъ сынъырларынъыз сахрадан ве Ливандан башлап, буюк Фират дерьясынадже – хитлилернинъ бутюн топракълары – ве гъарпта яткъан буюк денъизге къадар оладжакъ.

Нун огълу Ехошуа 10:40

Ехошуа бутюн дагълы ерлерни ве Негев ерлерини, алчакълыкъларыны, дагъ этеклерининъ янында олгъан ерлерни ве оларнынъ эписи падишаларыны енъди. Кимсени сагъ къалдырмады. Исраильнинъ Алласы олгъан РАББИ буюргъаны киби, эр бир тири джанны бутюнлей ёкъ этти.

Нун огълу Ехошуа 24:15

Эгер сизге РАББИге хызмет этмек яман шей киби корюнсе, шимди кимге хызмет этмеге сайланъыз: дерьянынъ янында яшагъан баба-деделеринъизнинъ аллаларына я да аморлыларнынъ топракъларында яшап, оларнынъ аллаларына хызмет этинъиз. Мен ве эвим исе РАББИге хызмет этеджекмиз.

Нун огълу Ехошуа 9:1

Иорданнынъ гъарбий тарафында, дагъларда, тегиз ерлерде ве Акъ денъизнинъ бутюн ялысы боюнда Ливангъа баргъандже олгъан хитлилернинъ, аморлыларнынъ, ханаанлыларнынъ, перизлилернинъ, хивлилернинъ ве евуслыларнынъ падишалары буны эшиттилер.

Сырларнынъ ачылувы 9:14

Бу сес къолунда боразан олгъан алтынджы мелекке: – Буюк Фират дерьясы боюнда багъланып къоюлгъан дёрт мелекни чезип йибер! – деди.