Къадылар 8:26 - Мукъаддес Китап

²⁶ Гидон алгъан алтын сыргъалар 17 кило къадар алтын олды. Бундан гъайры безеклер, боюнгъа асыладжакъ ильванлар, Мидьян падишаларынынъ къою мор кийимлери ве девелернинъ боюнларына асыладжакъ герданлыкълар бар эди.

Къадылар 8:26 ပူးပေါင်းရင်းမြစ်များ

Эстер 8:15

Мордекъай мор ве беяз тюстеки падиша урбасынен, башында балабан алтын таджынен, сыртында индже кетенден мавылы къырмызы бир япынджанен падишадан чыкъты. Шушан шеэри де шенъленди ве къуванды.

Икметли сёзлер 31:22

О, тёшек устюне орьтюлер токъуй, озю исе индже ишленген кетенден ве мор юньден урбалар кийип юре.

Ешая 3:18

О куню Рабби оларнынъ аякъларындаки дюльбер зынджырларыны, йылдызчыкъ ве айчыкъларыны,

Йирмея 10:9

Кумюш япракълары Таршиштен кетирильди, алтын Уфаздан кельди, уста къуюмджынынъ къоллары оларны ясады, оларнынъ устюне мор ве мавылы къырмызы урба кийдирильди, путларнынъ эписи – акъыллы усталарнынъ ишидир.

Ехезкель 27:7

Елькенинъ ренкли Мысыр кетенинден тикильди, сени елькенлеринъден таный эдилер. Элиша ялыларындан мор ве мавылы къырмызы безлернен сенинъ устюнъни япа эдилер.

Лука 16:19

Индже кетенден япылгъан мор урбалар кийип, эр кунь кейф-сефа сюрип яшагъан бир зенгин адам бар экен.

Юхан 19:2

Аскерлер тикенлерден тадж ясап, Онынъ башына кечирдилер, устюне мор тюслю урба кийдирдилер.

Юхан 19:5

О вакъыт, башына тикенли тадж, устюне мор тюслю урба кийильген Иса тышарыгъа чыкъты. – Мына, о адам! – деди Пилат оларгъа.

Сырларнынъ ачылувы 17:4

Къадын мор ве ачыкъ къырмызы урбагъа кийинген, алтын, къыйметли ташлар ве инджилернен донатылгъан эди. Онынъ къолунда игренч шейлернен ве ороспулыкъ арамлыкъларынен толу алтын къаде бар эди.

Сырларнынъ ачылувы 18:12

Алтын, кумюш, къыйметли ташлар, инджи, индже кетен, йипек, мор ве ачыкъ къырмызы басмалар, эр тюрлю къокъулы агъачлар, фильтиштен ясалгъан чешит махсуллар, энъ паалы агъачтан, тунчтан, демирден ве мермерден япылгъан эр бир шейлер,

Сырларнынъ ачылувы 18:16

дейджеклер: – Беля, беля буюк шеэрге! Индже кетен, мор ве ачыкъ къырмызы урбалар кийген, алтын, къыйметли таш ве инджилернен яраштырылгъан!

Къадылар 8:21

Зевах ве Цалмунна Гидонгъа: – Бизни сен озюнъ ольдюр. Адам насыл буюк олса, кучю де о къадар буюктир, – дедилер. Гидон оларны ольдюрди ве девелерининъ боюнларында асылгъан безеклерни алды.

Къадылар 8:25

– Эбет, берермиз! – дедилер исраиллилер ве бир джюббе тёшеп, озьлерининъ авындан бирер сыргъа къойдылар.

Къадылар 8:27

Шу алтындан Гидон эфод яптырды ве оны озюнинъ Офра шеэринде къойды. Анда бутюн исраиллилер, ороспу киби олып, шу эфодгъа табындылар. Эфод Гидон ве онынъ сою ичюн тузакъ олды.