Къадылар 8:10 - Мукъаддес Китап

¹⁰ Зевах ве Цалмунна он беш бинълик ордусынен Къаркорда тура эдилер. Булар бутюн шаркъий къабилелернинъ ордусындан къалгъаны эди. Дженкте 120 000 аскер ольдюрильген эди.

Къадылар 8:10 ပူးပေါင်းရင်းမြစ်များ

4 Падишалар 3:26

Моав падишасы дженкте енъиледжегини корип, озюнен берабер 700 къылычнен дженклешкен аскер алды ве Эдом падишасына якъынлашып уджюм этмеге истеди, амма якъынлашып оламады.

2 Тарих вакъиалары 13:17

Авия ве онынъ халкъы исраиллилерни дарма-дагъын эттилер. Исраильнинъ 500 000 энъ яхшы аскери ольдюрильди.

2 Тарих вакъиалары 28:6

Ехудалылар бабаларынынъ Алласы РАББИни къалдыргъанлары ичюн, Ремальяхунынъ огълу Пекъах бир куньде оларнынъ 21 000 джесюр аскерини ольдюрди.

2 Тарих вакъиалары 28:8

Исраиль огъуллары агъа-къардашлары олгъан ехудалыларнынъ 200 000 апайларыны, къызларыны ве огъланларыны туттылар. Бундан гъайры бир чокъ шейлерни чайпап алдылар ве буларны Самарие шеэрине ёлладылар.

Ешая 37:36

Алланынъ Мелеги келип, Ашшур ордусынынъ 185 000 аскерини къырды. Адамлар саба тургъанда, бутюн аскерлер олип-серилип ята эди.

Ешая 9:4

Мидьян йыкъылгъан куню киби, халкъкъа агъырлыкъ эткен боюндырыкъны ёкъ эттинъ, омузларыны ургъан сопаны ве залымнынъ таягъыны Сен къырдынъ.

Къадылар 20:15

Шу куню шеэрлерден чыкъкъан, дженкке къылычнен силялангъан 26 000 биньяминли аскер кельди. Бундан гъайры, Гивадан 700 энъ яхшы аскер кельди.

Къадылар 20:17

Исраиллилернинъ исе (Биньямин къабилесини саймайып), 400 000 киши топланды. Олар эписи къылычнен силялангъан эди. Эр бири теджрибели аскер эди.

Къадылар 20:2

Анда халкънынъ эписи ёлбашчылары, бутюн Исраиль къабилелерининъ ёлбашчылары бар эди. Анда Алланынъ бутюн халкъы, къылычнен силялангъан 400 000 джаяв аскери топлашты.

Къадылар 20:25

Биньяминлилер экинджи куню де Гивадан чыкъып, исраиллилерге уджюм эттилер ве даа къылычнен силялангъан 18 000 аскер ольдюрдилер.

Къадылар 20:35

РАББИ исраиллилернинъ огюнде биньяминлилерни къырып ташлады. Шу куню исраиллилер биньяминлилернинъ ордусында къылычнен силялангъан 25 100 кишини ольдюрдилер.

Къадылар 20:46

Шу куню джеми оларакъ Биньямин аскерлеринден къылычнен силялангъан 25 000 киши ольдюрильди, эписи джесюр аскерлер эди.

Къадылар 6:5

Олар озь айван сюрюлеринен, озь чадырларынен, сарынчкъа киби чокъ олып басып келе эдилер. Оларнынъ ве девелерининъ сайысы ёкъ эди. Келип, бутюн мемлекетни дарма-дагъын эте эдилер.

Къадылар 7:12

Мидьянлылар, амалеклилер ве шаркъий къабилелер вадийде ерлешкен эдилер. Оларнынъ сайысы сарынчкъа киби чокъ эди. Оларнынъ денъиз къуму киби сайысыз деве сюрюлери бар эди.

Къадылар 7:13

Гидон якъынджа келип, бир киши башкъасына озь тюшюни айткъаныны эшитти: – Мен тюшюмде мидьянлыларнынъ ордусындан балабан томалакъ арпа отьмегининъ юварланып кеткенини корьдим. Чадыргъа якъынлашып, чадыргъа урулды ве оны авдарды. Отьмек чадырны авдарды, ве чадыр йыкъылды, – деди.

Къадылар 7:22

Учь юз аскер борулар чалгъанда, РАББИ ойле япты ки, ордудаки кишилер силяларыны бир-бирлерине къаршы догъурттылар. Оларнынъ ордусы Церера тарафкъа тап Бет-Шиттагъа къадар къачып барды. Озен янына, Таббат янындаки Авел-Мехолагъа къадар къачып кеттилер.

Къадылар 8:11

Гидон Новах ве Ёгбеханынъ шаркъ тарафындаки кочебелернинъ ёлундан келип, бир шей беклемеген душман ордусына уджюм этти.