Къадылар 7:8 - Мукъаддес Китап

⁸ Халкъта олгъан бутюн емекни алдылар, бундан гъайры боруларыны да алдылар. Исраиллилерни эв-эвине йиберип, Гидон озюнен берабер 300 киши къалдырды. Мидьянлыларнынъ ордусы исе ашагъыда, вадийде эди.

Къадылар 7:8 ပူးပေါင်းရင်းမြစ်များ

Ешая 27:13

О куню буюк бору чаладжакъ ве Ашшур топрагъында гъайып олгъанлар ве Мысыр топрагъына сюргюн этильгенлер къайтаджакъ, Ерусалимдеки азиз дагъ устюнде РАББИге ибадет этеджеклер.

Левийлилер 23:24

– Исраиль огъулларына бойле айт: Единджи айнынъ биринджи кунюнде сизге раатлыкъ куню олсун. Бу – Боруларнен Бильдирильген Байрамдыр. Сизде мукъаддес топлашув олсун.

Левийлилер 25:9

Сонъра, единджи айнынъ онунджы куню бору чалынъыз. Одеме Куню бутюн мемлекетинъизде борулар чалынъыз.

Сайылар 10:9

Сизге уджюм эткен душмангъа къаршы топрагъынъызда дженк этмек ичюн чыкъкъанда, боразанларда телюке сигналыны чалынъыз. О заман Алланъыз олгъан РАББИ сизни акъылгъа кетирир ве сизни душманларынъыздан къуртарыр.

1 Коринтлилерге 15:52

Бир аньде, козь ачып юмгъандже, сонъки боразан вакътында, боразан чалынгъанда, олюлер ольмейджек беденлерде тириледжеклер, биз исе денъишеджекмиз.

Нун огълу Ехошуа 6:20

Шеэрде олгъан эр шейни: акъайларны, апайларны, яшы-къартыны, огюзлерни, къой-эчки ве эшеклерни – бутюнлей къылычнен ольдюрдилер.

Нун огълу Ехошуа 6:4

Олар къой бойнузындан ясалгъан бору чалгъанда, сиз бору сесини эшиткенинъизде, бутюн халкъ юксек сеснен къычырсын. О заман шеэр диварлары ерге йыкъылырлар, ве халкъ бирден эр тарафтан шеэрге кирер, – деди.

Къадылар 3:27

Эхуд келип, Эфраим дагъында бору чалды, ве Исраиль огъуллары онен берабер дагъдан тюштилер. Эхуд оглеринде кетмекте эди.

Къадылар 6:33

Сонъ мидьянлыларнынъ эписи, амалеклилер ве шаркъий къабилелер берабер топлашып, озенни кечти ве Йизреэл вадийинде ерлештилер.

Къадылар 7:7

РАББИ Гидонгъа: – Шу 300 кишининъ кучюнен Мен сизлерге гъалебе береджегим – мидьянлыларны сенинъ къолунъа береджегим. Къалгъанлары исе эвлерине къайтып кетсин, – деди.

Къадылар 7:9

Шу гедже РАББИ Гидонгъа: – Ашагъы тюш де, оларнынъ ордусына уджюм эт. Мен оларны сенинъ къолунъа бердим.