Къадылар 6:30 - Мукъаддес Китап

³⁰ Шеэр сакинлери Ёашкъа бойле дедилер: – Огълунъны бизге бер, о ольмек керек. О, Баал ичюн къурбан ерини бозды, янында тургъан Ашера дирегини йыкътырды.

Къадылар 6:30 ပူးပေါင်းရင်းမြစ်များ

Йирмея 26:11

Руханийлер ве пейгъамберлер башлыкъларгъа ве бутюн халкъкъа: – Бу адам олюм джезасына ляйыкъ! Сиз озь къулакъларынъызнен эшиткенлеринъиз дайын, о, бу шеэрге къаршы пейгъамберлик эте, – дедилер.

Йирмея 50:38

Сувларына къургъакълыкъ келеджек, ве олар сувсуз къаладжакъ; бу – путлар топрагъыдыр, къоркъунчлы путлардан олар делиреджеклер.

Юхан 16:2

Сизни синагогадан айыраджакълар. Ойле заман келеята ки, сизни ольдюрген эр бир адам, буны япып, Аллагъа хызмет этем, деп тюшюнеджек.

Фаалиет 26:9

Догърусы, озюм де назаретли Исагъа къаршы къолумдан кельгенини япмакъ керек, деп тюшюне эдим.

Филиплердекилерге 3:6

Буюк гъайретнен мен месихчилерни къувалай эдим, Къанун талап эткен инсафлыкъкъа коре къабаатсыз эдим.

Къадылар 6:29

Адамлар бири-биринден: – Буны ким япты? – деп сорадылар. Къыдырды-къыдырдылар, ахыры, буны Ёаш огълу Гидон япкъаныны бильдилер.

Къадылар 6:31

Лякин Ёаш чевре-четинде тургъанларгъа: – Сизлер Баал ичюн давалашаджакъсынъызмы? Сизлер оны къорчалайджакъсынъызмы? Эгер кимде-ким оны къорчаласа, бу сабасы ольдюриледжек! Эгер Баал алла олса, онынъ къурбан ери бозулгъаны ичюн, о озю ичюн давалашсын! – деди.