Къадылар 5:8 - Мукъаддес Китап

⁸ Олар янъы аллаларны сайлап алды, шунынъ ичюн шеэрлернинъ къапусына дженк кельди! Къыркъ бинъ исраиллининъ къылыч ве къалкъанлары къайда къалды?

Къадылар 5:8 ပူးပေါင်းရင်းမြစ်များ

Йирмея 19:4

Олар Мени ташлап кеттилер, бу ерни ябанджы бир ерге чевирдилер; озьлерине, деделерине ве Ехуда падишаларына белли олмагъан башкъа аллаларгъа бу ерде къокъулы отларны якътылар; бу ерни къабаатсызларнынъ тёкюльген къанына толдурдылар.

Къадылар 2:12

Оларны Мысыр топракъларындан чыкъаргъан бабаларынынъ Алласы РАББИни унуттылар. Олар башкъа аллаларгъа бакъып башладылар, чевре-четинде яшагъан халкъларнынъ аллаларына табынып башладылар ве бойле этип РАББИни ачувландырдылар.

Къадылар 2:17

Лякин исраиллилер къадыларгъа да къулакъ асмадылар, ороспу киби олып, башкъа аллаларнынъ пешинден кетип, оларгъа табына башладылар, РАББИнинъ эмирлерине бойсунып юрген бабаларынынъ ёлундан тезден урулдылар, бабалары киби япмадылар.

Къадылар 4:3

Исраиллилер кене къычырып, РАББИден ярдым сорадылар. Сисеранынъ 900 демир дженк арабасы бар эди, ве о, исраиллилерни 20 йылдан берли мушкюль эзиетлей эди.

Къадылар 5:11

Къуюлар янында сюрюлерни больген адамларнынъ сеслери РАББИнинъ къусурсыз ишлери акъкъында йырлайджакълар, Исраиль ёлбашчыларынынъ ишлери акъкъында айтаджакълар! О заманда РАББИнинъ халкъы шеэрлернинъ къапуларына келеджек!

Къадылар 5:7

Исраильнинъ койлеринде ич бир адам ёкъ эди. Олар гъайып олып кетти. Сонъ мен, Девора, пейда олдым, Исраильде мен, бир ана, пейда олдым!