Къадылар 4:6 - Мукъаддес Китап

⁶ Девора Кедеш-Нафталийден Авиноам огълу Баракъны чагъырып, онъа: – Исраильнинъ Алласы РАББИ санъа бойле буюра: бар, Тавор дагъына котериль, озюнънен берабер Нафталий ве Зевулун огъулларындан 10 000 киши ал.

Къадылар 4:6 ပူးပေါင်းရင်းမြစ်များ

Зебур 7:6

о вакъыт душман меним джанымны къувалап етишсин, омрюмни ерге таптасын, шуретимни топракъкъа атсын. Сэла

Зебур 89:12

Куньлеримизни саймагъа бизни огрет, ве бизим юрегимиз икметли олур.

Зебур 89:13

Къайт бизге, я РАББИ, не къадар мумкюн? Къулларынъны аджы!

Йирмея 46:18

– Озюмнен ант этем, – дей Падиша. Онынъ Ады – Ордуларнынъ РАББИси. – Дагълар арасында Тавор дагъы насыл юксек олса, Къармел дагъы денъиз ялысында насыл буюк олса, сизге келеджек де ойле олур!

Хошеа 5:1

Эй, руханийлер, буны эшитинъиз! Эй, Исраиль халкъы, дикъкъатнен динъленъиз! Эй, падишанынъ эви, къулакъ асынъыз! Сизлер укюм этиледжексинъиз, чюнки сиз озь путларынъызнен Мицпа шеэринде халкъны къапкъангъа тюшюрдинъиз, Тавор дагъында къоюлгъан бир агъ киби олдынъыз.

Фаалиет 13:47

Рабби бизге буны буюрды: – Сен тюрлю халкълар ичюн ярыкъ оладжакъсынъ, ер юзюнинъ четлерине къадар къуртарув кетиреджексинъ, – деди.

Еудийлерге 11:32

Даа не айтайым? Гидон, Баракъ, Шимшон, Йифтах, Давут, Смаил ве башкъа пейгъамберлер акъкъында икяе этмек ичюн вакътым етмез.

Нун огълу Ехошуа 1:9

Мен санъа эмир этем: къуветли ве джесаретли ол, къоркъма, отюнъ патламасын. Къайда бармасанъ, Алланъ олгъан РАББИ сенинъ эр баргъан еринъде янынъда оладжакъ.

Нун огълу Ехошуа 19:22

Сынъыры Тавор, Шахацума ве Бет-Шемешке къошулып, Иорданнынъ янында бите эди – койлеринен берабер 16 шеэр.

Нун огълу Ехошуа 19:32

Алтынджы джереп Нафталий огъулларына, сойларына коре тюшти.

Нун огълу Ехошуа 19:35

Пекитильген шеэрлер булар эди: Циддим, Цер, Хаммат, Ракъкъат, Киннерет,

Нун огълу Ехошуа 19:37

Кедеш, Эдрей, Эн-Хацор,

Нун огълу Ехошуа 21:32

Нафталийнинъ къабилесинден, къатиль ичюн сакъланмакъ ери олгъан: Галилеяда ерлешкен Кедеш шеэри этрафындаки отлакъларнен берабер, Хаммот-Дор шеэри этрафындаки отлакъларнен берабер, Къартан шеэри этрафындаки отлакъларнен берабер берильди – учь шеэр.

Къадылар 4:10

Анда Баракъ Кедешке Нафталий ве Зевулун огъулларыны чагъыртты. Онынъ башчылыгъы алтында 10 000 аскер топланды. Девора да оларнен берабер кетти.

Къадылар 5:1

Шу куню Девора ве Авиноамнынъ огълу Баракъ бойле тюркю йырладылар:

Къадылар 6:35

Гидон бутюн Менашшенинъ къабилесине хаберджилерини ёллады, ве оларнынъ эписи онынъ артындан кетмек ичюн топлашты. Ашер, Зевулун ве Нафталий къабилелерине де хаберджилер ёллады – олар да онынъ огюне кельдилер.

Къадылар 8:18

Гидон Зевах ве Цалмуннагъа: – Таворда къайсы кишилерни ольдюрдинъиз? – деди. – Олар сен киби эдилер. Корюнишлери падиша огъулларынынъ корюниши эди, – дедилер Зевах ве Цалмунна.

1 Падишалар 10:3

Андан ёлунъны девам этип, Тавор эмен орманына келеджексинъ, шу ерде сени Аллагъа ибадет этмеге Бет-Эльге кеткен учь адам расткетиреджек. Бирисинде учь улакъ, дигеринде учь отьмек, учюнджисинде шарап толу мешин торба.

1 Падишалар 12:11

О заман РАББИ Еруббаалны, Беданны, Йифтахны ве Смаилни ёллап, сизни эписи душманларынъыздан къуртарды. Сиз раат-раат яшап башладынъыз.