Къадылар 4:14 - Мукъаддес Китап

¹⁴ Девора Баракъкъа: – Айды, илери бас! РАББИ Сисераны сенинъ къолунъа берген кунь кельди. Сенинъ огюнъде РАББИ Озю кете! – деди. Баракъ 10 000 аскеринен Тавор дагъындан энди.

Къадылар 4:14 ပူးပေါင်းရင်းမြစ်များ

Башланув 19:14

Сонъ Лут чыкъып, онынъ къызларына нишанлангъан киевлерине бойле деди: – Тез бу ерден кетинъиз. РАББИ бу шеэрни ёкъ этеджек. Лякин киевлери, Лут шакъа эте, деп белледилер.

Башланув 44:4

Олар даа шеэрден узакъ кетип етиштиралмагъанда, Юсуф эвнинъ башлыгъына: – Бар, оларнынъ артларындан ет. Артларына еткен сонъ, бойле айт: «Сиз не ичюн яхшылыкъкъа яманлыкъ япасынъыз?

2 Падишалар 5:24

Бака тереклерининъ тёпесинден бир кимсенинъ юргенини эшитсенъ, тез къыбырда. О вакъыт РАББИ, фелестинли ордусыны ёкъ этмек ичюн, сенинъ огюнъде кетеджек, – деди.

Ешая 52:12

Ашыкъмаздан чыкъаджакъсынъыз, къачмайып кетеджексинъиз, РАББИ огюнъизден кетеджек, Исраильнинъ Алласы артынъыздан сизни къорчалайджакъ.

Микъа 2:13

Оларнынъ огюнде ёлны ачып, бирев кетеджек. Олар ёлны къапаткъан шейлерни алып ташлайджакъ, къапулардан тышары чыкъаджакъ. Алдында оларнынъ падишасы кетеджек, башында исе РАББИ тураджакътыр.

Къануннынъ текрары 9:3

Бугунь буны биль: Алланъ олгъан РАББИ огюнъден кете. О – эписини якъып ёкъ эткен атештир. О, оларны сенинъ огюнъде ёкъ этеджек, санъа бойсундыраджакъ. РАББИ санъа айткъаны киби, сен оларнынъ мулькюни тез-тез запт этеджексинъ ве озьлерини ёкъ этеджексинъ.

Нун огълу Ехошуа 10:8

РАББИ Ехошуагъа: – Олардан къоркъма. Мен оларны сенинъ къолунъа бердим. Олардан бири санъа къаршы турып оламаз, – деди.

Нун огълу Ехошуа 7:13

Тур, халкъны элялла да, оларгъа айт: «Сабагъа элялланынъыз. Исраильнинъ Алласы олгъан РАББИ бойле айта: “Аранъызда ёкъ этиледжек шейлер бар, Исраиль! Бунынъ ичюн, ёкъ этиледжек шейлерни озюнъден ёкъ этмегенинъдже, душманларынъа къаршы турып оламазсынъ”.

Къадылар 19:28

О апайына: – Тур, кетейик, – деди. Амма джевабыны алмады. Адам апайынынъ джеседини эшекке къойып, эвине кетти.

Къадылар 4:10

Анда Баракъ Кедешке Нафталий ве Зевулун огъулларыны чагъыртты. Онынъ башчылыгъы алтында 10 000 аскер топланды. Девора да оларнен берабер кетти.

Къадылар 7:9

Шу гедже РАББИ Гидонгъа: – Ашагъы тюш де, оларнынъ ордусына уджюм эт. Мен оларны сенинъ къолунъа бердим.

1 Падишалар 9:26

Саба олар турдылар. Танъ аткъанда, Смаил Шаулны эв тёпесине чагъырып: – Тур, мен сени йиберейим, – деди. Шаул тургъан сонъ, о ве Смаил эвден чыкътылар.