Къадылар 3:27 - Мукъаддес Китап

²⁷ Эхуд келип, Эфраим дагъында бору чалды, ве Исраиль огъуллары онен берабер дагъдан тюштилер. Эхуд оглеринде кетмекте эди.

Къадылар 3:27 ပူးပေါင်းရင်းမြစ်များ

2 Падишалар 20:22

Сонъ шу къадын халкъ арасында акъыллы сёзлерини даркъатты, ве Бикрий огълу Шеванынъ башыны кесип, Ёавгъа аттылар. О заман Ёав бору чалды. Аскерлер шеэрден чекилип, озь эвлерине даркъалдылар. Ёав исе Ерусалимге падишанынъ янына къайтты.

4 Падишалар 9:13

Сонъ олар ашыкъып турдылар, эр бири урбасыны алып, мердивен басамакъларына тёшеди, бору чалдылар ве: – Еху падиша олды! – деп илян эттилер.

Нехемья 4:14

Мен чевре-четке бакътым, сонъ турдым ве мырзаларгъа, башлыкъларгъа ве башкъа халкъкъа шойле дедим: – Олардан къоркъманъыз. Улу ве къоркъунчлы Раббини акълынъызда тутунъыз. Агъа-къардашларынъыз, огъулларынъыз, къызларынъыз, къадынларынъыз ве эвлеринъиз ичюн дженк этинъиз.

Нун огълу Ехошуа 17:15

– Эгер сиз чокъ сайылы олсанъыз, – деди Ехошуа, – ве Эфраим дагъы сизге тарашлыкъ этсе, ормангъа барып, озьлеринъизге перизлилер ве рефалыларнынъ топракъларында ер темизлеп алынъыз.

Нун огълу Ехошуа 17:18

дагъ да сизинъ оладжакъ, орман да. Сиз оны темизлерсинъиз, ве о, бутюнлей сизинъ оладжакъ. Ханаанлыларда демир дженк арабалары ве олар кучьлю олгъанына бакъмадан, сиз оларны къуварсынъыз, – деди.

Къадылар 10:1

Авимелектен сонъ Йиссакъар къабилесинден Додо огълу Пуанынъ огълу Тола Исраильнинъ къуртарыджысы олды. О, Эфраим дагъларындаки Шамир шеэринде яшай эди.

Къадылар 17:1

Эфраим дагъларында Микъа адлы бир адам бар эди.

Къадылар 19:1

О заманларда Исраильнинъ падишасы ёкъ эди. Эфраим дагъларынынъ этеклеринде бир левийли яшай эди. О, озюне апай оларакъ Ехудадаки Вифлеемден бир джарие алды.

Къадылар 3:26

Хызметчилер не олгъаныны анъламайып отургъан вакъытта Эхуд чыкъып кетти, эйкель путларынынъ янындан кечти ве Сеира шеэрине къачып къуртулды.

Къадылар 5:14

Эфраимден Амалекнинъ топрагъында яшагъанлар кельди, сенинъ артынъдан Биньямин сенинъ халкъынънен кельди! Макирден ёлбашчылар кельди, Зевулундан реберлернинъ таякъларыны алгъанлар кельдилер!

Къадылар 6:34

О вакъыт Гидонны РАББИнинъ Руху къаплады. Гидон бору чалды, ве онынъ пешинден кетмек ичюн Авиэзернинъ сою топлашты.

Къадылар 7:24

Гидон Эфраим дагъларына хаберджилер йиберип: – Мидьянлыларнынъ къаршысына дагълардан тюшюнъиз. Озеннинъ кечит ёлуны къапатынъыз. Иорданнынъ ялысыны Бет-Барагъа къадар къапатынъыз! – деп чагъыртты. Эфраимлилер топлашып, озеннинъ кечит ёлуны къапаттылар, бутюн Иорданнынъ ялысыны Бет-Барагъа къадар къапаттылар.

1 Падишалар 13:3

Ёнатан фелестинлилернинъ Гевадаки сакъчы болюгини ольдюрди. Фелестинлилер бундан хабердар олды, Шаул бору чалып: – Еудийлер эшитсин, – деп, бутюн мемлекетке хабер этти.