Къадылар 21:4 - Мукъаддес Китап

⁴ Келеджек куню, саба эрте, исраиллилер турып, анда къурбан ерини къурдылар ве къурбанлар чалып, бутюнлей якътылар ве аманлыкъ къурбанларыны кетирдилер.

Къадылар 21:4 ပူးပေါင်းရင်းမြစ်များ

2 Падишалар 24:18

Шу куню Гъад, Давуткъа келип: – Бар, РАББИге евуслы Аравнанынъ арманында къурбан ерини къур, – деди.

2 Падишалар 24:25

Давут анда РАББИге къурбан ерини къурды. Анда айванларны къурбан чалып бутюнлей якъты ве аманлыкъ къурбанларыны да чалды. Бундан сонъ РАББИ мемлекетке мерамет эйледи, ве Исраильде веба хасталыгъы токътады.

3 Падишалар 8:64

Кене шу куню падиша, РАББИ Сарайынынъ огюндеки азбарнынъ орта къысмында бутюнлей якъыладжакъ къурбанлар чалып, ашлыкъ бахшышларыны кетирип ве аманлыкъ къурбанларынынъ ягъыны якъып, оны азиз этти. РАББИнинъ огюндеки бакъырдан япылгъан къурбан ери эписи бутюнлей якъыладжакъ къурбанлар, ашлыкъ бахшышлары ве аманлыкъ къурбанларынынъ ягъы ичюн азлыкъ этти.

Хошеа 5:15

Сонъра Мен кетип, ериме къайтаджагъым. Олар озь къабаатларыны танып, Мени къыдырмагъандже, Мен еримде къаладжагъым.

Къануннынъ текрары 12:5

Алланъыз олгъан РАББИ эписи къабилелеринъизден, анда Онынъ Намы олсун деп, бир ерни сайлайджакъ. Анда барынъыз ве анда Алланы къыдырынъыз.

Еудийлерге 13:10

Бизим бир къурбан еримиз бар, ве Корюшюв Чадырында хызмет эткен руханийлернинъ андан ашамагъа акъкъы ёкъ.

Къадылар 20:26

Сонъ исраиллилер бутюн ордусынен Бет-Эльге кеттилер. Анда РАББИнинъ огюнде отурдылар, бутюн кунь акъшамгъадже агълады ве ашамады-ичмедилер. Къурбанлар чалып, РАББИ ичюн оларны бутюнлей якътылар, аманлыкъ къурбанларыны да кетирдилер.

Къадылар 21:3

– Я РАББИ, Исраильнинъ Алласы! Не ичюн Исраильде буларнынъ эписи олып кечти? Энди Исраильнинъ бир къабилеси эксик олды! – дедилер.

Къадылар 6:24

Шу ерде Гидон РАББИге къурбан ерини къурды ве шу къурбан ерине Яхве-Шалом деген ад къойды. О шимдигедже Авиэзер союнынъ Офра ериндедир.

Къадылар 6:26

Шу къаянынъ тёпесинде кереги киби Алланъ олгъан РАББИге къурбан ерини къур. Экинджи бугъаны алып, къурбан чал ве бутюнлей якъ, одуны исе сен бычкъан Ашера тереклери олсун, – деди.

1 Падишалар 7:17

Амма эр вакъыт о, Рамагъа къайта ве исраиллилерге анда ёлбашчылыкъ эте эди. Анда онынъ эви бар эди, ве анда о, РАББИге къурбан ерини къурды.