Къадылар 20:41 - Мукъаддес Китап

⁴¹ Исраиллилернинъ ордусы арткъа бурулды, Биньямин аскерлерини исе шиддетли къоркъу сарды: олар белягъа огърагъаныны анъладылар.

Къадылар 20:41 ပူးပေါင်းရင်းမြစ်များ

Икметли сёзлер 11:5

Къусурсыз адамнынъ инсафлыгъы ёлуны тегизлей, яман адам исе яманлыгъындан йыкъылып тюшер.

Икметли сёзлер 11:6

Догъру адамнынъ инсафлыгъы оны къуртара, къара юрекли адамларны исе яман истеклери къолгъа ала.

Икметли сёзлер 29:6

Яман адамнынъ гунасы – онъа къапкъан, инсафлы адам исе шенъленип къуваныр.

Икметли сёзлер 5:22

Ярамайны озь яманлыкълары сарып аладжакъ, озь гуналарынынъ къапкъаны оны тутып багълайджакъ.

Ешая 33:14

Сиондаки гунакярларнынъ отьлери патлады, имансызлар къалтырап башлады: «Арамыздан эр шейни ашап битирген атешнинъ янында ким отурып олур? Арамыздан эбедий алевнинъ янында ким яшап олур?»

Лука 21:26

Адамлар, ер юзюне келеяткъан мусибетлерни беклеп, къоркъудан нефес алмайып йыкъыладжакълар. Коклердеки кучьлер сарсыладжакълар.

1 Тессалоникелилерге 5:3

Адамлар: «Тынчлыкъ-аманлыкъ ве хавфсызлыкъ», – деп юргенде, о вакъыт олюм оларгъа апансыздан, догъаджакъ къадынгъа агъры киби, келеджек, ве олар ондан къачып кетмейджеклер.

Нун огълу Ехошуа 8:20

Ай аскерлери артларына айланып бакъкъанларында, шеэрден чыкъкъан думан кокке котерильгенини корьдилер. Олардан чёльге къачкъан исраиллилер энди оларны къуваламакъ ичюн артларына айландылар, лякин оларгъа къачмакъ ичюн не огге, не арткъа чареси ёкъ эди.

2 Пётр 2:12

Шу адамлар акъылсыз айванларгъа ошайлар. Олар тутулмакъ ве ёкъ этильмек ичюн догъгъанлар, истеклери оларны алып баралар. Олар бильмеген шейлерни яманлайлар, озь бозукълыгъында ёкъ олып кетеджеклер.