Къадылар 20:1 - Мукъаддес Китап

¹ Эписи исраиллилер, бутюн джемаат – Дандан Беэр-Шевагъадже яшагъан халкъ ве Гиладнынъ сакинлери – эписи, бир адам киби, Мицпа шеэринде РАББИнинъ огюнде топлаштылар.

Къадылар 20:1 ပူးပေါင်းရင်းမြစ်များ

2 Падишалар 19:14

Бойле этип, о, бутюн Ехуда халкъынынъ урьметини къазанды, эр кес бир адам киби бу къарарны къабул эттилер ве: – Адамларынънен берабер къайт, – деп хабер йибердилер.

2 Падишалар 2:9

Анда Авнер оны бутюн Исраильге падишалыкъ этмеге къойды, ве о, Гилад виляетине ве ашурлыларнынъ топрагъына, Йизреэл виляетине, Эфраим ве Биньямин къабилелерине падишалыкъ япып башлады.

2 Падишалар 24:2

Падиша, янында олгъан орду башы Ёавгъа: – Бар, Дандан Беэр-Шевагъа къадар ерлешкен Исраиль къабилелерини кечип, халкъны сай. Мен халкънынъ сайысыны бильмек кереким, – деди.

2 Падишалар 3:10

Шаулдан падишалыгъыны тартып алырым да, Дандан Беэр-Шевагъа къадар Исраильде ве Ехудада Давутнынъ тахтыны къоярым. Буны япмасам, Алла бойнумны урсун, манъа даа да бетер этсин! – деди.

3 Падишалар 5:5

РАББИ бабам Давуткъа айтты: “Сенинъ огълунъ, сенинъ еринъе тахтынъа Мен отуртаджакъ огълунъ Меним Намыма Сарай къураджакъ”. Бунынъ ичюн мен РАББИге, меним Аллама Сарай къурмагъа ниетлендим.

4 Падишалар 25:23

Орду башлыкълары ве оларнынъ адамлары, Вавилон падишасы оларгъа башлыкъ оларакъ Гедальяны къойгъаныны эшитип, Гедальягъа Мицпа шеэрине кельдилер. Нетанья огълу Исмаил, Къареах огълу Ёханан, нетофалы Танхуметнинъ огълу Серая, маакъалынынъ огълу Яазанья ве оларнынъ адамлары кельдилер.

1 Тарих вакъиалары 21:2

Давут Ёавгъа ве халкънынъ башлыкъларына бойле деди: – Барынъыз, Беэр-Шева шеэринден Дан шеэрине къадар ерлешкен исраиллилерни сайынъыз, сонъ къайтып, сайысыны манъа айтынъыз, мен сайысыны бильмек кереким.

2 Тарих вакъиалары 30:5

Бутюн Исраиль топрагъында, Беэр-Шевадан Дангъа къадар, бойле хаберни бильдирмеге къарар бердилер: Исраильнинъ Алласы РАББИге Песах Байрамыны кечирсин деп, халкъ Ерусалимге кельсин. Чюнки чокътан Байрамны язылгъанына коре кечирмей эдилер.

Узеир 3:1

Единджи ай кельгенде, Исраиль огъуллары озь шеэрлеринде ерлешкен сонъ, бутюн халкъ, бир адам киби, Ерусалимде топланды.

Нехемья 11:27

Хацар-Шуал шеэринде, Беэр-Шева шеэринде ве этрафындаки койлерде,

Нехемья 8:1

Единджи айда, исраиллилер озь шеэрлеринде яшагъан заманда, бутюн халкъ, бир адам киби, Сув Къапусынынъ огюндеки мейданда топлашты, Узеир кятипке РАББИ Исраильге берген Мусанынъ Къанун Китабыны кетирмеге буюрды.

Йирмея 40:6

Йирмея Ахикъамнынъ огълу Гедальягъа, Мицпа шеэрине кельди ве онен берабер мемлекетте къалгъан халкъ арасында яшап башлады.

Сайылар 32:1

Рубен ве Гъад огъулларынынъ пек чокъ сюрюлери бар эди. Олар Язер ве Гилад топракъларында сюрюлерни бакъмакъ ичюн ер олгъаныны корьдилер.

Сайылар 32:40

Бойледже, Муса Гиладны Менашшенинъ огълу Макирге берди, ве олар анда ерлештилер.

Нун огълу Ехошуа 15:38

Дилеан, Мицпа, Ёкътеэл,

Нун огълу Ехошуа 17:1

Сонъ джереп Юсуфнынъ биринджи огълу олгъан Менашшенинъ къабилесине тюшти. Дженкте джесюр олгъан Гиладнынъ дедеси Менашшенинъ огълу Макирге Гилад ве Башан шеэрлери айырылгъан эди.

Нун огълу Ехошуа 18:26

Мицпа, Кефира, Моца,

Нун огълу Ехошуа 22:12

Буны эшитип, Исраиль огъулларынынъ бутюн джемааты Шилода топлашып, оларгъа къаршы дженк этмеге азырландылар.

Нун огълу Ехошуа 22:9

Сонъ Рубен огъуллары, Гъад огъуллары ве Менашше къабилесининъ ярысы Ханаан топрагъында ерлешкен Шило шеэринден, Исраиль огъулларындан кеттилер ве Гиладгъа, озьлерининъ пайы олгъан топракъкъа, РАББИ Мусанен айттыргъан эмирине коре запт этильген топракъларына къайттылар.

Нун огълу Ехошуа 4:13

Къыркъ бинъге якъын дженкке силялангъан аскер дженк этмек ичюн, РАББИнинъ огюнде Ерихоннынъ тегиз ерлерине кеттилер.

Къадылар 10:17

Аммонлылар дженкке чыкъып, ордусыны Гиладда ерлештирдилер. Исраиллилер исе ордусыны топлап, Мицпанынъ янында ерлештилер.

Къадылар 11:11

Бундан сонъ Йифтах Гилад акъсакъалларынен кетти. Халкъ оны башлыкъ ве ёлбашчы япты. Йифтах озь шартыны Мицпада, РАББИнинъ огюнде, текрарлады.

Къадылар 11:34

Йифтах эвине, Мицпагъа къайтып кельди. Оны къаршылап, ойнап, даре чалып къызы келе эди. Бу Йифтахнынъ бирден-бир къызы эди. Башкъа не къызы, не де огълу бар эди.

Къадылар 18:29

Шеэрнинъ адыны «Дан» къойдылар. Бу ад данлыларнынъ деделери олгъан Исраиль огъулларындан бирисининъ ады эди. Шеэрнинъ эвельки ады исе Лаиш эди.

Къадылар 20:11

Бутюн исраилли акъайлар, бир адам киби, берабер Гивагъа кетмеге топлаштылар.

Къадылар 20:18

Исраиллилер Бет-Эль шеэрине келип, Алладан: – Бизни Биньямин къабилесине къаршы ким алып бараджакъ? – деп сорадылар. РАББИ джевап берип: – Сизлерни Ехуда алып бараджакъ, – деди.

Къадылар 20:2

Анда халкънынъ эписи ёлбашчылары, бутюн Исраиль къабилелерининъ ёлбашчылары бар эди. Анда Алланынъ бутюн халкъы, къылычнен силялангъан 400 000 джаяв аскери топлашты.

Къадылар 20:26

Сонъ исраиллилер бутюн ордусынен Бет-Эльге кеттилер. Анда РАББИнинъ огюнде отурдылар, бутюн кунь акъшамгъадже агълады ве ашамады-ичмедилер. Къурбанлар чалып, РАББИ ичюн оларны бутюнлей якътылар, аманлыкъ къурбанларыны да кетирдилер.

Къадылар 20:8

Бутюн халкъ, бир адам киби турып: – Бизлер эвлеримизге къайтмайджакъмыз, чадырларымызгъа кетмейджекмиз.

Къадылар 21:5

Исраиль огъуллары: – Исраильнинъ эписи къабилелеринден ким РАББИнинъ огюне кельмеген? – деп сорадылар. Олар кимде-ким Мицпагъа РАББИнинъ огюне турмагъа кельмесе, ольдюриледжек, деген буюк къаргъыш эткен эдилер.

1 Падишалар 10:17

Смаил халкъны РАББИге, Мицпа шеэрине чагъырды.

1 Падишалар 3:20

Дандан Беэр-Шевагъа къадар яшагъан эписи исраиллилер, Смаил РАББИнинъ пейгъамбери олмагъа ляйыкъ олгъаны акъкъында бильдилер.