Къадылар 19:9 - Мукъаддес Китап

⁹ Сонъ левийли, джариеси ве хызметчисинен берабер ёлгъа чыкъмагъа истеди. Лякин къайнатасы, яш къадыннынъ бабасы, онъа: – Бакъ, акъшам тюшкен! Къал, геджеле, энди къаранлыкълашып башлагъан. Мында геджелерсинъ, юрегинъ раатланыр. Ярын исе эрте турып, ёлунъызгъа чыкъарсынъыз, эвинъе къайтып кетерсинъиз, – деди.

Къадылар 19:9 ပူးပေါင်းရင်းမြစ်များ

2 Падишалар 13:28

Авишалом йигитлерине: – Бакъынъыз, Амнон шарап ичип, тавланып башлагъанда, мен сизге: «Амнонны ольдюринъиз», – деп буюрарым. О вакъыт къоркъмайып, оны ольдюринъиз. Бу – меним сизге эмирим. Джесюр ве джесаретли олунъыз, – деп буюрды.

Икметли сёзлер 27:1

Ярынки куннен макътанма, чюнки не кетиреджегинден хаберинъ ёкъ.

Лука 24:29

Лякин олар: – Бизнен къал. Кунь битеята, энди акъшам олды, – деп Онъа ялвардылар. Иса эвге кирип, оларнен къалды.

Къадылар 19:10

Лякин левийли артыкъ къалмагъа истемеди ве ёлгъа чыкъты. Евус, яни Ерусалим шеэрине кельди. Онынънен берабер джариеси ве эки юклю эшеги бар эди.

Къадылар 19:6

Олар экиси отурып ашадылар-ичтилер, ве яш къадыннынъ бабасы левийлиге: – Къал, менде геджелерсинъ. Юрегинъ раатланыр, – деди.

Къадылар 19:8

Бешинджи куню левийли саба эрте турып, кене ёлгъа чыкъмагъа истеди, лякин къайнатасы кене: – Бираз отьмек ашап такъатлан, акъшамгъадже къал, – деди. Олар экиси кене софра башында къалдылар.

Рут акъкъында китап 3:7

Боаз ашап-ичти, кейфи ерине кельди. Сонъ ашлыкъ обасы янына барып ятты. Рут явашчыкътан келип, аякълары тарафындан орьтюни ачып ятты.