Къадылар 18:3 - Мукъаддес Китап

³ Олар Микъанынъ эви янында олгъанда, яш левийлининъ сесини эшитип, оны таныдылар. Ичери кирип сорадылар: – Сени мында ким кетирди? Мында не япасынъ, ненен огърашасынъ?

Къадылар 18:3 ပူးပေါင်းရင်းမြစ်များ

Башланув 27:22

Якъуп бабасы Исхакънынъ янына барды. Исхакъ Якъупны тутып бакъты ве: – Сеси Якъупнынъ, къоллары Исавнынъ, – деди.

Ешая 22:16

Мында сенинъ не акъларынъ бар? Сой-сопларынъдан мында ким бар? Озюнъе мында дюрбе япмагъа не акъкъынъ бар? О озюне юксекте дюрбе япты, къая ичинде мескен азырлады.

Матта 26:73

Бираздан сонъ шу ерде тургъанлар келип, Пётргъа: – Керчектен де, олардан бириси сен де оласынъ. Лафынъдан белли, – дедилер.

Къадылар 12:6

Лякин гиладлылар: «Айса “шибболет” сёзюни айт», – дей эдилер. О исе сёзни догъру айтып оламай, «сибболет» деп теляффуз эте эди. Оны тутып, Иорданнынъ сай ерлеринде ольдюре эдилер. О вакъытта 42 000 Эфраим аскери ольдюрильген эди.

Къадылар 18:2

Дан огъуллары бутюн къабилесинден Цора ве Эштаол шеэринден олгъан беш кучьлю аскерни сайлап, оларны шу мемлекет акъкъында эр шейни бильмек ичюн ёлладылар. – Барынъыз да, бу мемлекет акъкъында эр шейни билип келинъиз, – дедилер шу беш аскерге. Олар Эфраим дагъларына, Микъанынъ эвине кельдилер. Анда геджелемеге къалдылар.

Къадылар 18:4

Йигит оларгъа, Микъа онынъ ичюн не япкъаныны айтты: – О, мени парагъа тутты, мен онда руханийлик япам.