Къадылар 18:12 - Мукъаддес Китап

¹² Ёлгъа чыкъып, Ехудада Кирьят-Яримнинъ якъынларында ордусыны ерлештирдилер. Шу ерге шимдиге къадар Махане-Дан дейлер. О, Кирьят-Яримнинъ артында ерлешкен.

Къадылар 18:12 ပူးပေါင်းရင်းမြစ်များ

2 Тарих вакъиалары 1:4

Давут, Алланынъ Сандыгъы ичюн Ерусалимде чадыр къурып, Сандыкъны Кирьят-Яримден озю азырлагъан ерге кетирген эди.

Нун огълу Ехошуа 15:60

Кирьят-Баал (яни Кирьят-Ярим), ве Рабба – койлеринен берабер эки шеэр.

Нун огълу Ехошуа 15:9

Дагъ тёпесинден сынъыр Нефтоах чокърагъына узана, андан да Эфрон дагъынынъ шеэрлерине, сонъ Баалагъа, я да Кирьят-Яримге тараф чевире эди.

Нун огълу Ехошуа 9:17

Исраиллилер ёлгъа чыкъып, учюнджи куню хивлилернинъ шеэрлери Гивон, Кефира, Беэрот ве Кирьят-Ярим янына кельдилер.

Къадылар 13:25

Цора ве Эштаол арасындаки Махане-Данда Шимшоннынъ ичинде РАББИнинъ Руху арекет этип башлады.

Къадылар 18:11

Дан къабилесининъ алты юз аскери дженкке азырланып ве силяланып, Цора ве Эштаолдан чыкътылар.

Къадылар 18:13

Андан чыкъып, олар Эфраим дагъларына ёл алдылар ве Микъанынъ эвине еттилер.

1 Падишалар 6:21

Сонъ Кирьят-Ярим сакинлерине хаберджилер йиберип: – Фелестинлилер РАББИнинъ Сандыгъыны къайтардылар. Келип, оны озюнъизге алынъыз, – дедилер.

1 Падишалар 7:1

Кирьят-Яримнинъ сакинлери келип, РАББИнинъ Сандыгъыны алдылар ве оны байыргъа, Авинадавнынъ эвине кетирдилер. РАББИнинъ Сандыгъыны сакъламакъ ичюн, огълу Элазарны айырып азиз эттилер.