Къадылар 16:4 - Мукъаддес Китап

⁴ Сонъ Шимшон бир апайгъа севда олды. О апай Сорек вадийинде яшай эди. Онынъ ады Далила эди.

Къадылар 16:4 ပူးပေါင်းရင်းမြစ်များ

3 Падишалар 11:1

Сулейман падиша ябанджы олгъан чокъ апайларны севди: фыравуннынъ къызыны ве башкъа моавлы, аммонлы, эдомлы, сидонлы ве хитли апайларны.

Нехемья 13:26

– Исраиль падишасы Сулейман шу себептен гуна япмадымы? О киби падиша башкъа халкъларда ёкъ эди. Алла оны севди ве бутюн Исраильге падиша этип къойды. Амма башкъа халкъларнынъ апайлары оны да гуналаргъа батырдылар.

Икметли сёзлер 22:14

Башкъасынынъ апайынынъ агъзы – тюпсюз чукъур, РАББИнинъ гъазабына огърагъан анда тюшер.

Икметли сёзлер 23:27

Фаише – терен чукъурдыр, башкъасынынъ апайы – тар къуюдыр.

Икметли сёзлер 26:11

Къускъагъына къайткъан копек киби, ахмакълыгъында инатлангъан акъылсыз адам да ойледир.

Икметли сёзлер 27:22

Ахмакъны аванда богъдайнен берабер аван токъмагъынен тюйсенъ биле, онынъ ахмакълыгъы ондан айырылмаз.

1 Коринтлилерге 10:6

Оларнен олгъан шейлер бизге орьнек олды. Биз оларгъа ошамайыкъ, яман ишлерни япмагъа истемейик.

Къадылар 16:3

Шимшон яры геджеге къадар юкълады. Яры геджеде турды. Шеэр къапусынынъ диреклерине япышып, къапуны мандалынен берабер чыкъарды. Къапуны омузына къойып, Хеврон къаршысындаки дагънынъ тёпесине алып кетти.

Къадылар 16:5

Фелестин укюмдарлары Далилагъа келип, онъа: – Оны алдатып бакъ: онынъ буюк кучь-къуветининъ сыры неде экен? Оны насыл багъламакъ, бойсундырмакъ ве енъмек мумкюн? Бизлер исе санъа эр биримиз 1 100 кумюш пара берермиз, – дедилер.