Къадылар 16:30 - Мукъаддес Китап

³⁰ – Фелестинлилернен берабер олейим! – деп къычырды Шимшон. Бар кучюнен диреклерни уйтеди, ве эв йыкъылды. Эр кес эв тюбюнде къалды – Фелестин укюмдарлары да, анда олгъан эписи кишилер де. Шимшон олеяткъанда, сагъ экенде ольдюрген адамлардан даа чокъ душман ольдюрди!

Къадылар 16:30 ပူးပေါင်းရင်းမြစ်များ

Башланув 3:15

Сен ве Адемнинъ апайы бири-биринъизни корьмеге козюнъиз олмайджакъ. Сенинъ баланъ ве апайнынъ баласы бири-бирине эр вакъыт душман оладжакълар. Апайнынъ огълу башынъа уджюм этеджектир, сен исе онынъ табанына уджюм этеджексинъ, – деди.

Эюп акъкъында китап 20:5

яман адамларнынъ шенълиги къыскъадыр, алласызларнынъ къуванчы бир аньдир.

Эюп акъкъында китап 31:3

Адалетсиз адамларгъа О, беля ёлламайджакъмы? Акъсызлыкъ япкъанларгъа бахытсызлыкъ бермейджекми?

Зебур 62:3

Мукъаддес булунгъан еринъде Сени корьгеним киби, къудретинъ ве шуретинъни корьмеге истейим.

Джемаат башы 9:12

Адам озь вакъты-саатини бильмез. Балыкъ ольдюриджи авгъа, къуш да тузакъкъа тюшкени дайын, инсан огъуллары да, фелякет вакъты апансыздан башларына тюшкенде, онынъ къолуна тюшелер.

Матта 16:25

– Ким озь джаныны къуртармагъа истесе, оны джояджакъ. Лякин ким Мен ичюн джаныны берсе, о, джаныны тападжакъ.

Фаалиет 20:24

Лякин яшайышымнынъ къыймети мен ичюн бир шей дегиль. Тек ишимни битирмеге, Алланынъ хайырыны анълаткъан Къуванчлы Хаберни даркъатмакъ ичюн, Рабби Исадан алгъан вазифени беджермеге истейим.

Фаалиет 21:13

Лякин Павел джевап берип: – Не япасыз? Не ичюн агълап, юрегимни парчалайсыз? Мен Ерусалимге барып тек эсир олмагъа дегиль, Рабби Иса ичюн ольмеге биле азырым, – деди.

Филиплердекилерге 2:17

Эгер мен, ичерлик бахшышы киби, сизинъ къурбанлыгъынъыз ве иман хызметинъизнинъ устюне тёкюльсем биле, мен бунъа да къуванам ве сизинъ къуванчынъызгъа къошулам.

Филиплердекилерге 2:30

О, Месихке хызмет эткени ичюн, олюмге якъын эди, сизлер манъа берип оламагъан ярдымны бере ве озь джаныны аджымай эди.

Филиплердекилерге 2:8

О, алчакъгонъюлли олып, итаат этти ве олюмге кетти, хачта биле ольди.

Колоссайлыларгъа 2:15

О, башлыкъларны ве акимиетлерни къуветтен кестирди, ачыкъ-айдын масхара этти, оларны хач ярдымынен енъди.

1 Тессалоникелилерге 5:2

Озьлеринъиз яхшы билесинъиз ки, Раббининъ куню, гедже хырсыз киби, келеджек.

Къадылар 14:19

Шимшонны РАББИнинъ Руху къаплады. Шимшон Ашкелонгъа кетип, анда отуз киши ольдюрди, урбаларыны чыкъарып, тапмаджасыны чезген адамларгъа берди. Сонъ исе пек ачувлы алда бабасынынъ эвине къайтып кетти.

Къадылар 15:15

Шимшон эшекнинъ даа къурумагъан ченге кемигини тапты. Къолуны узатып, оны алды ве бинъ дане фелестинлини урып ольдюрди.

Къадылар 15:8

Сонъра фелестинлилерге атылып, оларнынъ аякъ-баджакъларыны къырды, чокъусыны да ольдюрди. Сонъ кетти ве Этам къаясынынъ тюбюндеки къобада ерлешти.

Къадылар 16:29

Сонъ Шимшон эвни тутып тургъан эки орта дирекни тутты ве эки къолунен оларгъа таянды. Онъ къолуны бир дирекке, сол къолуны экинджи дирекке таяды.

Къадылар 16:31

Шимшоннынъ агъа-къардашлары, бутюн союнен берабер келип, онынъ олюсини алып кеттилер. Оны алып кетип, Цора ве Эштаол арасында, бабасы Маноахнынъ къабринде дефн эттилер. Шимшон йигирми йыл девамында Исраильнинъ къадысы олды.