Къадылар 15:5 - Мукъаддес Китап

⁵ Сонъ мешъаллерни якъып, тилькилерни фелестинлилернинъ пишкен богъдай тарлаларына йиберди. Эр шейни якъты – тобан обаларыны, орулмагъан ашлыкъны, юзюм багъчалары ве зейтюн тереклерини якъып ташлады.

Къадылар 15:5 ပူးပေါင်းရင်းမြစ်များ

2 Падишалар 14:30

Сонъ Авишалом озюнинъ хызметчилерине: – Меним тарлам янындаки Ёавнынъ тарла парчасыны коресизми? Анда онынъ арпасы осе. Барынъыз да, оны якъынъыз, – деди. Шу вакъыт хызметчилери о тарланы якътылар.

Чыкъыш 22:6

Эгер якъылгъан атеш когемликни алевлетип, багъны, я да орулмагъан ашлыкъны, я да бутюн тарланы якъып битирсе, атешни якъкъан адам кетирильген зиянны одемек керек.

Чыкъыш 23:11

единджи йылы исе халкъынъыздан олгъан факъыр-фукъарелер кечинсин деп, олардан къалгъаныны да кийик айванлар ашап битирсинлер деп, топрагъынъызгъа раатлыкъ беринъиз. Юзюм ве зейтюн багъларына да ойле япынъыз.

Къадылар 15:4

Сонъ Шимшон кетип, учь юз тильки тутты да, оларны къуйрукъларындан экишер-экишер багълады. Эр бир чифтнинъ къуйругъына бирер мешъаль багълады.

Къадылар 15:6

Фелестинлилер: – Буны ким япты? – деп сорагъанда, оларгъа: – Шимшон, тимналы адамнынъ киеви. Чюнки о, Шимшоннынъ апайыны башкъа адамгъа, аркъадашына берди, – деп джевап бердилер. Фелестинлилер барып, о апайны бабасынен берабер якътылар.