Къадылар 1:27 - Мукъаддес Китап

²⁷ Менашше огъуллары Бет-Шеан шеэрининъ ве этрафындаки койлернинъ сакинлерини къувмады. Эм Таанакънынъ ве этрафындаки койлернинъ сакинлерини, Дор шеэрининъ ве этрафындаки койлернинъ сакинлерини, Ивлеам шеэрининъ ве этрафындаки койлернинъ сакинлерини, эм де Мегиддо шеэрининъ ве этрафындаки койлернинъ сакинлерини къуваламады. Шу ерлерде ханаанлылар яшап къалдылар.

Къадылар 1:27 ပူးပေါင်းရင်းမြစ်များ

3 Падишалар 9:21

олардан сонъ къалгъан, исраиллилер ольдюрип оламагъан балаларыны да Сулейман бугуньге къадар къуллар киби чалышмагъа меджбур этти.

4 Падишалар 23:29

Ёшиянынъ куньлеринде, Мысыр падишасы олгъан фыравун Неко Ашшур падишасына къаршы Фират дерьясына чыкъты. Ёшия падиша онынъ къаршысына чыкъты, о исе Ёшияны Мегиддо еринде корип, оны ольдюрди.

4 Падишалар 9:27

Ехуда падишасы Ахазья бутюн буларны корип, Бет-Хагъгъангъа догъру чапып кетти. Еху онынъ пешинден къувалап буюрды: – Оны да урунъыз! Ахазьяны, Ивлеам янындаки Гур тёпесине арабасында котерилеяткъанда яраладылар. О, Мегиддо ерине къачып кетти, анда да ольди.

Чыкъыш 23:32

Не оларнен, не аллаларынен анълашма тизменъиз.

Йирмея 48:10

РАББИнинъ ишини абул-къубул эткен лянет олсун! Къан тёкмектен къылычыны токътаткъан да лянет олсун!

Къануннынъ текрары 7:2

оларны сенинъ къолунъа бергенинен ве сен оларгъа уджюм эткенинънен, оларны айырып, бутюнлей ёкъ эт. Оларнен анълашма тизме ве мераметли олма.

Нун огълу Ехошуа 21:25

Менашше къабилесининъ ярысындан оларгъа Таанакъ шеэри этрафындаки отлакъларнен берабер ве Гъат-Риммон шеэри этрафындаки отлакъларнен берабер берильди – эки шеэр.

Къадылар 1:1

Ехошуанынъ олюминден сонъра, Исраиль огъуллары РАББИни чагъырып, Ондан: – Ханаанлыларгъа къаршы бизден ким биринджи чыкъаджакъ? – деп сорадылар.

Къадылар 1:21

Лякин Биньямин огъуллары Ерусалимде яшагъан евуслыларны къуваламадылар. Евуслылар Биньямин огъулларынен берабер аля даа Ерусалимде яшамакъталар.

Къадылар 1:26

Шу адам хитлилернинъ топракъларына кетип, шеэр къурды, адыны да Луз къойды. Шимдиге къадар бу ад – шеэрнинъ адыдыр.

Къадылар 1:28

Исраиль кучьке кирген сонъ, исраиллилер ханаанлыларны агъыр иш беджермеге меджбур эттилер, лякин оларны яшагъан ерлеринден къувмадылар.

Къадылар 5:19

Мына падишалар дженкке чыкъты. Танаакъ янында, Мегиддо сувларынынъ янында Ханаан падишалары дженкке чыкъты, лякин кумюш чайпап аламадылар!

1 Падишалар 15:9

Амма Шаул ве халкъы Агъагъны ве къой-эчкилернинъ, туварларнынъ, семиз бузав-таналарнынъ ве къозуларнынъ энъ яхшысыны ве шейлернинъ яхшысыны бутюнлей ёкъ этмеге истемедилер. Тек ярамай ве керекмеген эписи шейлерни бутюнлей ёкъ эттилер.

1 Падишалар 31:10

Онынъ силясыны Ашторет путларынынъ эвинде къойдылар, джеседини исе Бет-Шан диварында астылар.