Къадылар 1:16 - Мукъаддес Китап

¹⁶ Мусанынъ къайнатасы олгъан кенлининъ огъуллары Ехуда огъулларынен берабер Пальмалар Шеэринден чыкъып, Ехуда сахрасына ёл алдылар. Сахра Араднынъ янындаки Негевде ерлешкен эди. Мында келип, олар ерли халкънынъ арасында ерлештилер.

Къадылар 1:16 ပူးပေါင်းရင်းမြစ်များ

1 Тарих вакъиалары 2:15

алтынджысы – Оцем, единджиси Давут эди.

1 Тарих вакъиалары 2:55

ве Яббецте яшагъан соферлилернинъ сойлары, тиратлылар, шималылар ве сукъатлылар. Булар кенлилер эди, олар Хамматтан келип чыкъкъанлар. Хаммат исе Бет-Рекъавнынъ бабасы эди.

2 Тарих вакъиалары 28:16

О вакъытта Ахаз падиша Ашшурнынъ падишаларындан ярдым сорап, оларгъа адамлар йиберди.

Чыкъыш 18:1

Мусанынъ къайнатасы Мидьяннынъ руханийи Йитро, РАББИ Мысырдан исраиллилерни алып чыкъкъанда, Муса ве Озюнинъ халкъы Исраиль ичюн эписи япкъан шейлери акъкъында эшитти.

Чыкъыш 18:12

Сонъ Мусанынъ къайнатасы Йитро Аллагъа бутюнлей якъылгъан ве башкъа къурбанлар чалды. Алланынъ огюнде Мусанынъ къайнатасынен берабер аш ашамакъ ичюн, Харун ве Исраильнинъ акъсакъаллары кельдилер.

Чыкъыш 18:27

Сонъ Муса къайнатасынен сагълыкълашты, ве къайнатасы озь топрагъына кетти.

Чыкъыш 18:7

Муса къайнатасыны къаршыламагъа чыкъты, онъа бель букти ве оны опьти. Бири-биринен сорашкъанларындан сонъ, олар чадыргъа кирдилер.

Чыкъыш 3:1

Муса мидьянлы руханий олгъан къайнатасы Йитронынъ къой-эчкилерини бакъа эди. Куньлерден бири о, сюрюни сахранынъ узакъ ерине айдады ве Хорев деген Алланынъ дагъына кельди.

Чыкъыш 4:18

Муса кетип, къайнатасы олгъан Йитрогъа къайтты. Онъа: – Мен Мысырда олгъан халкъыма къайтайым. Олар даа сагъмы-ёкъмы экен бакъайым, – деди. Йитро Мусагъа: – Аман-эсен бар, – деди.

Йирмея 35:2

– Рекъавлыларнынъ эвлерине бар да, оларнен лаф эт. Оларны РАББИ Эвининъ бир одасына кетирип, оларгъа шарап бер.

Сайылар 21:1

Исраиль Атарим ёлунен барды. Негев еринде яшагъан, ханаанлы олгъан Арад падишасы шуны эшиткенде, оларнен дженклешти ве базыларыны эсирге алды.

Матта 3:1

‌Шу куньлерде Еудиенинъ сахрасында Сувгъа Батырыджы Ягъя пейда олды. О адамларгъа:

Къануннынъ текрары 34:3

Негевни ве Ерихон (Пальмалар шеэри) вадийининъ тюзлюгини, тап Цоар шеэринедже олгъан топракъны.

Къануннынъ текрары 34:4

Сонъ РАББИ онъа: – Мен Ибраим, Исхакъ ве Якъупкъа: «Оны несиллеринъизге берерим», деп ант эткен топракъ мына. Мен санъа оны козьлеринънен корьмеге разылыкъ берерим, лякин о топракъкъа сен кирмезсинъ, – деди.

Нун огълу Ехошуа 12:14

бир Хорма падишасы, бир Арад падишасы,

Нун огълу Ехошуа 18:21

Биньямин къабилесининъ сойларына коре олгъан шеэрлери булардыр: Ерихон, Бет-Хогъла, Эмек-Кециц,

Къадылар 1:15

Акъса онъа: – Манъа бир бахшыш бер. Сен манъа Негевде топракъ бердинъ, энди сув чокъракъларыны да бер, – деди. Бабасы онъа юкъары ве ашагъы сув чокъракъларыны да берди.

Къадылар 3:13

Эглон аммонлылар ве амалеклилерни топлап, дженкке чыкъты ве исраиллилерни енъди, Пальмалар Шеэрини запт этти.

Къадылар 4:11

О заманларда кенли Хевер кенлилерден, Мусанынъ къайнатасы олгъан Ховавнынъ огъулларындан айрылып, Кедеш якъынларындаки Цаананним эменининъ тюбюнде чадырларыны ерлештирди.

Къадылар 4:17

Сисера кенли Хевернинъ апайы Яэльнинъ чадырына къачып кельди, чюнки кенли Хевернинъ сою ве Хацор падишасы Явиннинъ арасында барышыкъ шартнамеси тизильген эди.

1 Падишалар 15:6

Шаул кенлилерге: – Амалеклилерден кетинъиз, мен оларнен берабер сизлерни де ольдюрмейим, чюнки сиз, исраиллилер Мысырдан кеткенде, оларгъа мерамет эйлединъиз, – деди. Ве кенлилер амалеклилерден айырылдылар.

1 Падишалар 27:10

Акиш Давуттан, «Бугунь кимни дарма-дагъын эттинъ?» – деп сорагъанда, Давут онъа: «Ехуданынъ дженюбий тарафыны», – я да: «Ерахмеэллилернинъ дженюбий тарафыны», – я да: «Кенлилернинъ дженюбий тарафыны», – деп джевап бере эди.

1 Падишалар 30:29

Ракъалда, ерахмеэллилернинъ ве кенлилернинъ шеэрлеринде,