Иуда 1:20 - Мукъаддес Китап

²⁰ Сизлер исе, севгилилерим, азизден-азиз иманынъызда осьмеге бири-биринъизге ярдым этинъиз, Мукъаддес Рухнен дува окъунъыз,

Иуда 1:20 ပူးပေါင်းရင်းမြစ်များ

Зекерья 12:10

Давутнынъ союна ве Ерусалимде яшагъанларгъа исе мерамет ве ярдым рухуны ёллайджагъым. Олар Онъа, озьлери тешип ольдюрген инсангъа бакъаджакълар ве Онынъ ичюн, бирден-бир ольген огълу артындан агълагъанлар киби, агълайджакъ, ольген биринджи догъгъан балагъа киби янаджакъ.

Фаалиет 15:9

Оларнен бизим арамызда ич бир фаркъ корьмейип, имангъа кельгенлери ичюн юреклерини темизледи.

Фаалиет 26:18

Сен оларнынъ козьлерини ачып, оларны къаранлыкътан нургъа ве Шейтаннынъ акимиетинден Аллагъа къайтараджакъсынъ. Олар Манъа иман этип, гуналары багъышланаджакъ, азизлер арасында къысмет аладжакълар», – деди.

Фаалиет 6:7

Алланынъ Сёзю даркъатылгъан сайын, Ерусалимде Исанынъ шегиртлерининъ сайысы эп арта эди. Руханийлернинъ де чокълары имангъа бойсундылар.

Фаалиет 9:31

О вакъыт, Еудие, Галилея ве Самариеде иманлылар джемиети ичюн тынчлыкъ девири кельди. Иманлылар Раббиден къоркъып, иманда къавийлешип яшай эди. Мукъаддес Рухнынъ ярдымынен оларнынъ сайысы эп арта эди.

Римлилерге 15:2

Эр биримиз агъа-къардашымызнынъ эйи файдасыны къыдырмагъа ве иманыны къавийлештирмеге керекмиз.

Римлилерге 8:15

Сизлер Алланынъ Рухуны алып, кене къоркъуда яшагъан къуллар олмадынъыз. Лякин сиз Рухуны алып, огъуллар олдынъыз. Бу Рухнен биз Аллагъа «Бабамыз!» деймиз.

1 Коринтлилерге 1:8

О, сизинъ иманынъызны бутюнлей къавийлештиреджек, ве Раббимиз Иса Месих къайтаджакъ кунюнде сиз къабаатсыз олурсынъыз.

1 Коринтлилерге 10:23

«Эр шейни япмакъ мумкюн», – дейсинъиз, амма эр шей файдалы дегиль. «Эр шейни япмакъ мумкюн», амма эр бир шей иманны къавийлештирмей.

1 Коринтлилерге 14:15

Айса не япайым? Рухнен дува окъурым, акъылнен де дува окъурым. Рухнен макътавлар йырларым, акъылнен де йырларым.

1 Коринтлилерге 14:26

Демек, дин къардашларым, бундан насыл нетидже чыкъараджакъмыз? Топлашкъанынъызда, сизлерден кимде макътав йыры, огретюв, Алладан бир хабер, башкъа тильде бир къач сёзлер я да терджимеси бар олса, буларнынъ эписи иманлылар джемиетини къавийлештирсин.

Галатиядакилерге 4:6

Сиз Алланынъ огъуллары олгъанынъыз себептен, Алла юреклеримизге Озь Огълунынъ Рухуны ёллады, ве бу Рух: «Баба, Бабачыгъым!» – деп чагъыра.

Эфеслилерге 4:12

олар азизлерни иман хызметине азырласынлар ве Месихнинъ беденини къурсунлар,

Эфеслилерге 4:16

ве Онъа бутюн беден багълы. Беден бирлешип къошула, эр бир къысмы къатты багъларнен багълана, онынъ эр бир азасы озь ишини беджере, ве бутюн беден озюни севгинен къурып осе.

Эфеслилерге 4:29

Агъзынъыздан ич бир чиркин сёз чыкъмасын. Амма яхшы шейни озь вакътында айтынъыз, динълейиджилерге эйилик берген сёзлерни айтынъыз.

Эфеслилерге 6:18

Эр тюрлю дува ве ялварувларнен, эр вакъыт Рухнен дува окъунъыз. Буны акъылынъызда тутып, бутюн азизлер ичюн эр вакъыт гъайретнен ялварынъыз.

Колоссайлыларгъа 2:7

Онда тамыр атып ве Онда озь омрюнъизни къурып, огренгенинъиз киби, иманынъызда къатты олунъыз, чокъ шукюрлер этинъиз.

1 Тессалоникелилерге 5:11

Шунынъ ичюн, шимди япкъанынъыз киби, бири-биринъизни юреклендиринъиз ве къавийлештиринъиз.

1 Тимотейге 1:4

олар эфсанелернен ве сонъу олмагъан несиллернинъ джедвеллеринен огърашмасынлар. Бойле шейлер бош тюшюнджелерге себеп олалар, Алланынъ иман ишине ярдым этмейлер.

2 Тимотейге 1:5

Сенинъ темиз иманынъны унутмайым. Бу иман башта битанъ Лоида ве ананъ Эвниканынъ юреклеринде булуна эди. Энди шу иман сенинъ юрегинъде де яшагъанына эминим.

Титке 1:1

Павел, Алланынъ къулу ве Иса Месихнинъ эльчиси, – Алла мени Онынъ сайлагъан адамларыны имангъа чагъырмагъа ве оларгъа диндар яшайыш акъкъында акъикъатны огретмеге ёллады. Бу акъикъат

Якъуп 2:22

Коресинъми? Хайырлы ишлеринен бирликте онынъ иманы арекет этти ве ишлери ярдымынен къусурсыз олды.

2 Пётр 1:1

Симон Пётр, Иса Месихнинъ къулу ве эльчиси, – Алламызнынъ ве Къуртарыджы Иса Месихнинъ догърулыгъына коре сизнен берабер къыйметли имангъа кельгенлерге:

1 Юхан 5:4

чюнки Ондан догъулгъан эр ким дюньяны енъе. Дюньяны енъген гъалебе – иманымыздыр.

Иуда 1:3

Севгилилерим, эр биримизнинъ къуртулышы акъкъында язмагъа чокъ истеген олсам да, бир вакъытта азизлерге берильген иман ичюн курешмеге сизге ялварып язмагъа кереклигини корьдим.

Сырларнынъ ачылувы 13:10

Кимнинъ баш язысы эсирликке тюшмек олса, эсирликке тюшеджек. Кимнинъ къылычнен ольдюрильмек олса, къылычнен ольдюриледжек. Алланынъ азизлери сабырлы ве иманлы олсун.