Йирмея 9:17 - Мукъаддес Китап

¹⁷ Ордуларнынъ РАББИси бойле дей: – Тюшюнинъиз, агъламакъ ичюн къадынларны чагъырынъыз. Бу иште энъ уста сойларыны чагъырынъыз, кельсинлер.

Йирмея 9:17 ပူးပေါင်းရင်းမြစ်များ

2 Тарих вакъиалары 35:25

Йирмея да Ёшия акъкъында бир агълав йырыны язды. Акъай ве къадын йырджылары да Ёшия акъкъында агълав йырларыны бугуньге къадар йырлайлар. Бу агълав йырлары Исраиль ичюн адет олдылар ве Агълав Йырлары китабында язылгъандыр.

Эюп акъкъында китап 3:8

Ырымджылар шу геджени къаргъагъайды, ливьятанны уяндыра бильгенлер оны лянетлегейди.

Джемаат башы 12:5

Тёпеликлерден къоркъар, ёлнынъ дешетлеринден де къоркъар. Бадем ачар, чегертки агъырлашыр, истек де гъайып олур. Адам озь эбедий эвине кетер, такъмакъчылар сокъакъ бою юрер.

Йирмея 7:29

Узун сачынъны кес де ат, байырларда агълав тюркюсини йырла. РАББИ бу несильге ачувланып, олардан вазгечип, кетти.

Агълав йырлары 2:5

Рабби душман киби олды, Исраильни ёкъ этти; эписи сарайларыны харап этти, къалелерини йыкъып ташлады; Ехуда къызыны такъмакъ ве агълавгъа толдурды!

Ехезкель 27:2

– Инсан огълу! Тир акъкъында агълав тюркюси йырла,

Ехезкель 32:16

– Мына олар йырлайджакъ агълав тюркюси. Оны йырлап, халкъларнынъ къызлары Мысыр ве онынъ бутюн ордулары акъкъында агълайджакълар, – дей РАББИ-ТААЛЯ.

Амос 5:1

Эй, Исраиль эви, Меним сизлер ичюн агълав йырымны динъленъиз:

Микъа 2:4

Шу куню адамлар сизни мыскъыллайджакъ, устюнъизден шойле агълав йырынен куледжеклер: «Бизни парчаладылар, халкъымызнынъ топрагъы башкъаларгъа берильди. О, энди кери къайтарыладжакъмы? Бизим тарлаларымыз саткъынларгъа пай этильди!»

Матта 9:23

Иса башлыкънынъ эвине келип киргенде, дженазелерде къавал чалгъан усталарны ве шамата къопаргъан чокъ адамларны корьди.

Марк 5:38

Синагога башлыгъы Яирнинъ эвине келип чыкъты, анда шашкъынлыкъны ве кескин сеслернен такъмакълап агълагъанларны корьди.