Йирмея 9:12 - Мукъаддес Китап

¹² Буны анълайджакъ акъыллы адам бармы? РАББИнен лаф эткен адам не ерде? Мемлекет не себептен гъайып олгъаныны анълатсын, адамсыз чёль киби неден харап олгъаныны бильдирсин.

Йирмея 9:12 ပူးပေါင်းရင်းမြစ်များ

Ешая 42:23

Бунъа ким къулакъ асаджакъ? Ким дикъкъат этип, келеджекте эшитеджек?

Йирмея 23:10

Мемлекет ороспулыкъкъа толу, къаргъыш ичюн окюр-окюр агълай, чёль отлакълары къуруды. Олар яманлыкъ япмагъа ниетленелер, яланда кучь тапалар.

Йирмея 23:16

Ордуларнынъ РАББИси айта ки: – Сизге пейгъамберлик эткен пейгъамберлернинъ айткъанларыны динълеменъиз, олар сизни алдаталар, РАББИнинъ агъзындан чыкъкъан шейлерни дегиль де, юреклериндеки истеклерини айталар.

Йирмея 23:22

Меним ниетлеримни бильселер, сёзлеримни халкъыма бильдирир эдилер, оларны яман ёлларындан ве яман ишлеринден къайтарыр эдилер.

Йирмея 23:28

Тюш корьген пейгъамбер оны тюш киби анълатсын, амма Меним сёзюмни алгъан адам оны догъру бильдирсин. Богъдайнынъ янында саман недир? – дей РАББИ.

Йирмея 9:20

Эй, къадынлар, РАББИнинъ сёзюни динъленъиз, агъызындан чыкъкъан эр сёзге къулакъ асынъыз. Къызларынъызгъа агъламакъны огретинъиз, бири-биринъизге агълав тюркюлерини йырламакъны окъутынъыз.

Ехезкель 14:23

Сиз оларнынъ яшайышларыны ве ишлерини корьген сонъ, юрек тапарсынъыз ве анъларсынъыз ки, Мен Ерусалимде ич бир шейни себепсиз япмадым. РАББИ-ТААЛЯ бойле дей.

Хошеа 14:9

«Путлар манъа неге керек?» – дейджек Эфраим. Мен оны эшитеджегим ве оны бакъаджагъым. Мен гурь кипарис тереги киби оладжагъым, сен берекетинъни Менден кореджексинъ.

Хошеа 4:10

Олар ашайджакълар, амма тоймайджакълар, ороспуланаджакълар, амма бала корьмейджеклер, чюнки РАББИге хызмет этмектен вазгечтилер.

Ёэль 1:11

Эй, ыргъатлар, бетлеринъизни къызартынъыз, эй, багъджылар, агъланъыз, – тарлаларнынъ берекети гъайып олды, богъдай ве арпа ич къалмады.

Цефанья 3:6

Мен халкъларны ёкъ эттим, оларнынъ къалелерини йыкътым, сокъакъларыны бом-бош эттим, энди кимсе шу сокъакълардан юрмей. Оларнынъ шеэрлери виран этильди, бакъымсыз олды, анда яшагъан адам къалмады.

Матта 24:15

‌Шунынънен, Даниял пейгъамбер айткъан «пис арамлыкъ» Азиз Ерде тургъаныны корьсенъиз (окъугъан адам озю анъласын!),

Къануннынъ текрары 32:29

Ах, акъыллы олып, олар буны анълап бильгейди, оларнен не оладжагъыны анълагъайды!

Сырларнынъ ачылувы 1:3

Бу пейгъамберлик сёзлерини окъугъан ве динълеген, эм де мында язылгъан шейлерни акъылда туткъан адам бахтлыдыр! Бекленильген вакъыт энди якъындыр!