Йирмея 7:29 - Мукъаддес Китап

²⁹ Узун сачынъны кес де ат, байырларда агълав тюркюсини йырла. РАББИ бу несильге ачувланып, олардан вазгечип, кетти.

Йирмея 7:29 ပူးပေါင်းရင်းမြစ်များ

4 Падишалар 17:20

Шунынъ ичюн РАББИ бутюн Исраиль несилини ред этти, оларны джезалады, айдутларнынъ къолларына берди ве энъ сонъунда оларны огюнден къувды.

Эюп акъкъында китап 1:20

О заман Эюп турды, урбасыны йыртты, сачларыны кести де, ерге тюшип, Аллагъа ибадет этти

Ешая 22:12

Шунынъ ичюн о куню Ордуларнынъ РАББИ-ТААЛЯсы сизни агъламагъа, айтынмагъа, сачларынъызны кесмеге, чувал токъумаларына кийинмеге чагъыра.

Йирмея 12:7

Эвимни ташлап кеттим, къысметим олгъан халкъымны къалдырдым, душманларнынъ къолуна джанымнынъ къуванчыны бердим.

Йирмея 14:19

– Керчектен де, Сен Ехуданы ред эттинъми? Сионгъа нефретнен бакъасынъмы? Не ичюн бизни чекиштиресинъ? Не ичюн шифа тапып оламаймыз? Тынчлыкъ-аманлыкъны беклей эдик, яхшылыкъ кельмеди. Шифа кореджек вакътыны бекледик, къоркъуларны таптыкъ.

Йирмея 16:6

– Бу мемлекетте буюклер де, кучюклер де оледжек, комюльмейджеклер. Олар ичюн агъламайджакълар; къасеветнен беденини яралагъан, башыны тыраш эткен сою олмайджакъ.

Йирмея 3:2

Бош тёпелерге бакъ да корь, сеннен ороспуланмагъан ер къалдымы? Сахрада отургъан араплар киби, ёл четинде оларны беклеп отура эдинъ, орталыкъны ороспулыгъынъ ве яманлыгъынънен арамладынъ.

Йирмея 3:21

Бош тёпеликлерден бир сес, Исраиль огъулларынынъ аджыныкълы агълавы эшитиле. Олар догъру ёлдан урулдылар, РАББИни, оларнынъ Алласыны унуттылар.

Йирмея 47:5

Гъазада яшагъанларнынъ башлары тыраш этиледжек, Ашкелон шеэринде сеслер эшитильмейджек. Вадийде къалгъанлар! Беденлеринъизни даа чокъ яралайджакъсызмы?

Йирмея 48:37

Эр кеснинъ башы тыраш этильген, сакъалы алынгъан, эр кеснинъ къоллары яралангъан, устьлерине чувал урбасы кийильген.

Йирмея 6:30

Оларгъа «ред этильген кумюш» дейджеклер; РАББИ оларны ред этти.

Йирмея 9:10

Дагълар ичюн агълап къычыраджагъым, чёль отлакълары ичюн аджджы агълайджагъым, олар толусынен янып биткендир, олардан кимсе кечмей. Айванларнынъ манърагъаны эшитильмей, эм кок къушлары, эм кийик айванлар эр кес къачып кетти.

Йирмея 9:16

Не озьлерине, не деделерине белли олмагъан халкълар арасында оларны дагъытаджагъым, артларындан къылыч ёллайджагъым ве оларны бутюнлей ёкъ этеджегим.

Ехезкель 19:1

– Сен исе Исраиль башлыкълары акъкъында агъла

Ехезкель 28:12

– Инсан огълу! Тир падишасы акъкъында агъла да, онъа шойле айт: РАББИ-ТААЛЯ шойле дей: – Сен – къусурсызлыкънынъ мисали, акъылгъа толу, гузелликте энъ яхшы эдинъ.

Амос 5:1

Эй, Исраиль эви, Меним сизлер ичюн агълав йырымны динъленъиз:

Микъа 1:16

Севимли балаларынъны тартып алгъанлары ичюн сачларынъны тыраш эт. Сенинъ башынъ, леш къарталынынъ башы киби, таз олсун, чюнки балаларынъ сенден сюргюн этиледжек.

Матта 12:39

Иса оларгъа джевап берип, шойле деди: – Ярамай ве ороспу несиль бельги къыдыра, лякин Юнус пейгъамбернинъ бельгисинден гъайры оларгъа бельги берильмейджек.

Матта 16:4

Ярамай ве ороспу несиль бельги къыдыра, лякин Юнуснынъ бельгисинден гъайры оларгъа бельги берильмейджек, – деди ве оларны къалдырып кетти.

Матта 23:36

Сизге догърусыны айтам: буларнынъ эписи шу несильнинъ бойнуна тюшеджек.

Матта 3:7

Ягъянынъ алдына чокъ ферисе ве саддукий де сувгъа батырылып чыкъмагъа кельгенлерини корип, о оларгъа: – Эй, йылан союндан олгъанлар! Башынъызгъа келеяткъан Алланынъ гъазабындан къачып къуртуладжагъынъызны сизге ким огретти? – деди.

Фаалиет 2:40

Пётр даа чокъ башкъа сёзлернен оларны тенбиелеп, насиат берип: – Озюнъизни бу бозукъ несильден къуртарынъыз! – дей эди.

Къануннынъ текрары 32:5

Олар Онъа къаршы ахлякъсыз арекет этти; Онынъ балалары киби дегиль, олар къусур олды, бозукъ ве яланджы несильдир.